Дури и богатите Американци живеат пократко од сиромашните Европејци: Ново истражување открива шокантни нееднаквости
Ново меѓународно истражување открива значајни разлики во стапките на смртност меѓу САД и Европа, покажувајќи дека дури и најбогатите Американци имаат поголема веројатност за предвремена смрт отколку најбогатите Европејци – а во некои случаи и поголема од најсиромашните граѓани во некои европски земји.
Иако поголемото богатство е поврзано со подолг животен век и помал ризик од смртност и во двете региони, студијата открива дека разликата меѓу најбогатите и најсиромашните е многу понагласена во САД. Истражувачите укажуваат дека ова се должи на поограничениот пристап до здравствена заштита и послабиот социјален систем во САД, за разлика од посилните социјални структури во Европа.
Најчести причини се стресот и лошата исхрана
„Овие наоди се силен потсетник дека дури и најбогатите Американци не се заштитени од системските проблеми како економска нееднаквост, хроничен стрес, лоша исхрана и изложеност на еколошки ризици,“ вели економистката за јавно здравје Ирена Папаниколас од Универзитетот Браун.
Анализирани се податоци од 73.838 лица на возраст од 50 до 85 години во периодот од 2010 до 2022 година. Учесниците биле поделени во четири групи според богатството, и во секоја група Американците поминале полошо од Европјаните. Во земји како Германија, Франција и Холандија, дури и најсиромашните биле во подобра здравствена состојба од најбогатите Американци.
Разбирање на овие разлики
Општо, најбогатите поединци имале 40% помала веројатност да починат во однос на најсиромашните. Но, споредено регионално, стапката на смртност кај сите четири групи била за 40% пониска во северна и западна Европа отколку во САД.
„Не е важно само каде сте во рамките на богатството во вашата земја – важно е и каде стоите во споредба со луѓето во други земји,“ додава Сара Мачадо, коавторка на студијата.
Истражувањето ја нагласува потребата од длабинско разбирање на причините за овие разлики. „Ако сакаме да го подобриме здравјето во САД, мора да ги разбереме основните фактори што предизвикуваат овие разлики, дури и кај луѓе со сличен социо-економски статус,“ заклучува Папаниколас.
Коментирај анонимно