Два зеленчуци што стогодишниците ги имаат на своите трпези секој ден – некои ги сакаат, некои не можат да ги поднесат
Зошто некои луѓе живеат здраво и активно и по 100-тата година, додека други стареат порано? Одговорот не лежи само во гените, туку и во секојдневните навики – особено во исхраната. Најновите истражувања на долговечни популации од т.н. „сини зони“ – региони како Јапонија, Грција, Италија, Кина и Кавказ – покажуваат дека едни исти состојки често се повторуваат во нивните чинии: лукот и кромидот.
Овие два едноставни, но моќни зеленчуци се дел од дневното мени на столетниците. Се консумираат свежи, печени, во салати, супи и варени јадења. Научните податоци го потврдуваат нивниот придонес кон здравјето: лукот содржи алицин – соединение што ги штити крвните садови, намалува шеќерот во крвта и се бори против бактерии и вируси.
Кромидот, пак, е богат со кверцетин – антиоксиданс што ги штити мозочните клетки и ги намалува воспалителните процеси кои го забрзуваат стареењето.
Што велат истражувањата?
И лукот и кромидот имаат пребиотско дејство – ја хранат добрата цревна микрофлора, која е клучна за имунитетот. Истражување спроведено во Кина во 2021 година покажа дека луѓето кои редовно јадат лук имаат 11% помала веројатност да починат од сериозни болести, вклучувајќи рак и срцеви заболувања.
Освен кромидот и лукот, на трпезата на столетниците често се наоѓаат: мешунки (леќа, грав, наут), маслиново масло и јатки, ферментирана храна (јогурт, кефир, мисо), варени зеленчуци (морков, брокула, тиква) и многу малку шеќер и месо. Живеат со спокоен ритам, имаат секојдневна физичка активност, квалитетен сон и силна врска со семејството.
Заклучок: за посилно срце, појасен ум и подолго здравје – секојдневно додавај лук и кромид во исхраната, избери растителна храна како основа и уживај во умерен и смислен живот.
Коментирај анонимно