Две ФБИ тактики за да го спречите секој што ве прекинува: Психолошки трикови кои ја менуваат играта кај комуникацијата

Содржина:

• Две главни причини зошто луѓето ве прекинуваат и како тоа влијае врз вашата самодоверба
• ФБИ техниката „командна пауза“ ја зголемува вашата моќ и го освојува вниманието на слушателот
• Не ве слушаат дури и со командната пауза? Користете го гестот „моќна дланка“ за веднаш да запрете прекинување
• Емоционалната регулација и активното слушање создаваат харизматични и посакувани говорници

Две главни причини зошто луѓето ве прекинуваат и како тоа влијае врз вашата самодоверба

„Постојат две типични причини зошто некој ве прекинува или ве засечува во муабетот“, вели Стјуарт Федерсон, тренер за јавно говорење и комуникација. „Првата е што мислат дека веќе знаат каде води муабетот. Штом се почувствуваат дека ја разбираат поентата, нивниот мозок почнува да врти и тие веќе прекинуваат.“ Според психологот и автор д-р Шахрзад Џалали, ова е познато како „антиципаторски одговор“ – процес при кој мозокот веќе подготвува одговор пред да завршите со зборување. „Тоа ја намалува точноста на слушањето и ја зголемува веројатноста за прекинување, особено во брзи разговори“, додава таа. Втората причина зошто луѓето прекинуваат? Досадувате. „Ќе ве прекинат кога не се ангажирани или ‘закачени’ на тоа што го зборувате“, вели Федерсон. Кога нема ‘кука’, умот лута, а устата почнува да зборува.
Сето ова може да биде силно фрустрирачко за говорникот. „Повторено прекинување може да ја наруши психолошката безбедност и желбата за самоизразување“, нагласува Џалали. Со тек на време, луѓето може да ја интернализираат оваа појава, да зборуваат помалку или да се автоцензурираат. „Гледано од перспектива на нервниот систем, честото прекинување активира стресови, особено кај оние што веќе имале искуство на игнорирање или непризнатост.“

ФБИ техниката „командна пауза“ ја зголемува вашата моќ и го освојува вниманието на слушателот

За да ги избегнеме прекинувањата и да се вратиме во фокусот, потребно е стратешки да вметнеме техники за ангажирање на соговорникот. Една од најмоќните е таканаречената „командна пауза“. „Прво, најавувате што ќе кажете за да му го привлечете вниманието, на пример: ‘Морам навистина да ми обрнете внимание на ова’, па се задржувате на момент,“ вели Федерсон. „Таа кратка пауза сигнализира самодоверба и му кажува на мозокот на слушателот да се задржи, бидејќи ова е важно.“
Федерсон, кој детално ги проучувал обуките за истраги на ФБИ, тврди дека токму оваа техника агенти ја користат за да наметнат моќ во комуникацијата и да осигураат дека прашањата ќе бидат слушнати и одговорени. Д-р Џалали смета дека „командната пауза“ може да биде моќна по одредени луѓе: „Стратешката тишина комбинирана со стабилна невербална комуникација често предизвикува само-корекција кај прекинувачот, создавајќи лесна социјална неудобност и обновувајќи ја рамнотежата во разговорот.“ Ова најдобро функционира кај луѓе со основна социјална свест кои не сакаат доминација.

Не ве слушаат дури и со командната пауза? Користете го гестот „моќна дланка“ за веднаш да запрете прекинување

Што ако не функционира командната пауза? „Ако ве прекинуваат трипати, употребете го говорот на телото“, советува Федерсон, објаснувајќи дека 60-80% од комуникацијата е невербална. „Додека ве прекинуваат, подигнете ја раката и кажете: ‘Само накусо, може ли да ја завршам мислата?’“
Федерсон посочува дека подигнатата дланка комуницира ‘стоп’, а во комбинација со топла насмевка и мирен тон, делува смирено и ефективно сигнализирајќи на соговорникот да забави и да слуша. „Отворената дланка е потсвесен сигнал за доверба. Кога ја подигнувате, им кажувате – можете да ми верувате, не се бранам. Тоа е колаборативно.“
Тој нагласува дека овој потег, кој го нарекува ‘моќна дланка’, е ефективен во 90% случаи и покажува и сила и почит. Колаборативен јазик, вербален и невербален, е клучен за спречување и надминување прекинувања.

Емоционалната регулација и активното слушање создаваат харизматични и посакувани говорници

Според Федерсон, недостигот на комуникација лице-в-лице, краткото внимание и брзиот проток на информации водат до се повеќе прекинувања денес. „Ако комуникацијата е ткаенина, таа се кине, а дел од тоа кињење се токму прекинувањата, затоа што повеќето не знаат како да комуницираат или како да коригираат.“
Тој гледа ескалација на прекинувања и кај своите клиенти, но и во младинската култура. „Не се учи активно слушање или интерперсонална комуникација во училиштата, а тоа сега создава огромна комуникациска празнина кај генерацијата Z. Тие прекинуваат повеќе од кога било.“
Џалали и Федерсон се согласуваат дека сите можеме да ја подобриме нашата симпатичност и умешност за разговор преку силата на активното слушање. „Многу луѓе мислат дека клучот до харизмата, симпатичноста или добриот разговор е само да зборуваат постојано. Не е,“ вели Федерсон. Тој смета дека активните слушатели се перцепираат како харизматични бидејќи прават другите да се чуствуваат добро за себе.
Клучот до активно слушање? Одговарајте или зборувајте само 20% од времето, слушајте 80%. „Ефективната комуникација почнува со саморегулација,“ вели Џалали, „Толерирајте тишина, контролирајте ја потребата веднаш да одговорите и слушајте со љубопитност, не само фокусирајќи се на себе.“