Двонеделните зимски бури убија десетици лица и предизвикаа студен хаос во делови од САД

Двонеделните бури кои ги претворија патиштата во замрзнати стапици на смртта, предизвикаа хаос и прекини на електричната енергија од Орегон до Тенеси.

Дождот, снегот, ветерот и силниот студ предизвикаа најмалку 55 смртни случаи во Соединетите држави во последните две недели, бидејќи серија бури ја зафати земјата. Училиштата и патиштата се затворени, а авионскиот сообраќај е отежнат. Њујорк, Балтимор и Вашингтон, во петокот забележаа повеќе снег отколку што беше предвидено, а во Мичиген Сити, Индијана, паднаа 43 сантиметри снег. Но, најголемите проблеми останаа на местата погодени од невремето на почетокот на неделата.

На западниот брег, гувернерот на Орегон прогласи вонредна состојба низ државата во четвртокот вечерта, речиси една недела по почетокот на разорната ледена бура. Од минатиот викенд, илјадници луѓе се без струја во делови од долината Виламет во Орегон поради замрзнат дожд. Околу 90.000 корисници останаа без струја во петокот попладне низ државата по ужасното невреме. Но, има надеж. Скоро целата земја се очекува да има надпросечни температури следната недела, според прогнозата на Националната метеоролошка служба.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!