„Џејмс Бонд“ се бори со солзите во емотивен проштелен говор откако се збогува со улогат на агентот 007

Со филмот „Нема време за умирање“, времето на Даниел Крег како Џејмс Бонд ќе заврши. Додека се разделуваше од колегите на последниот ден од снимањето, тој одржа емотивен говор пред тимот.

Во 2006 година, првото појавување на Крег како 007 во „Казино Ројал“ целосно ја редефинираше суштината на Бонд. Додека потемните карактеристики на Тимоти Далтон изгледаа како да го навестуваат доаѓањето на друг таен агент, sвездата на „Торта од слоеви“ донесе невидена бруталност и брза промена на улогата. Дали беше добро прифатен? „Да, дефинитивно“.

Кратко видео го покажува Крег, прилично емотивен, по завршувањето на претстојниот филм.

„Многу луѓе работеа на пет филмови со мене. И знам дека има многу работи да се кажат за тоа што мислам за овие филмови. Но, јас ја сакав секоја секунда од овие филмови, а особено овој затоа што станував секое утро и имав шанса да работам со вас. И тоа беше една од најголемите почести во мојот живот “, вели тој.

Крег не доби топол пречек од фановите на почетокот. „Реакциите на печатот беа ужасни и ми беше многу жал за него, но на смешен начин мислам дека тоа речиси го поттикна да стори се` за да докаже дека сите грешат“, се сеќава Деби МекВилијамс, кастинг директор на „Казино Ројал“.

Се разбира, тој докажа дека сите грешат. Неговото прво излегување беше огромен успех и „Skyfall“ со право, се смета за еден од најдобрите Џејмс Бонд филмови на сите времиња, ако не и најдобриот.