Е, вака се дава мито: Трамп ќе прифати „летечка палата“ од 400 милиони долари од катарското кралско семејство и ќе ја задржи по заминувањето од функцијата
Претседателот Доналд Трамп наводно е на чекор да прифати авион од типот Боинг 747-8, вреден 400 милиони долари, како подарок од кралското семејство на Катар. Луксузниот авион, опишан како „летечки дворец“, би служел како претседателски авион до крајот на неговиот мандат, а потоа би преминал во сопственост на Фондацијата на претседателската библиотека на Трамп.
Иако подароците од странски влади се строго регулирани според Уставот на САД, правниот тим на администрацијата утврдил дека трансферот е легален бидејќи авионската сопственост прво ќе премине на Американските воздухопловни сили, а потоа ќе биде префрлена на фондацијата – без директен личен бенефит за Трамп.
Што има во авионот?
Луксузниот авион нуди екстравагантни удобности: приватни апартмани, конференциска сала со кожени фотелји, златно украсени ѕидови и внатрешност дизајнирана од престижното француско студио Alberto Pinto. Авионот се смета за еден од најлуксузните на светот.
Овој гест доаѓа во време на интензивирана соработка меѓу САД и Катар. Претседателот Трамп веќе изразил незадоволство од одложувањата и трошоците на Боинг за новиот претседателски авион, што дополнително ја зголеми атрактивноста на понудата од Катар.
Портпаролот на Катар изјави дека „потенцијалниот трансфер на авионот за привремена употреба е сè уште предмет на правна проценка и не е донесена конечна одлука“. Од Белата куќа, пак, нагласуваат дека подароците од странски држави секогаш се прифаќаат во согласност со законите и со целосна транспарентност.
Зголемени бизнис врски помеѓу двете земји
Покрај тоа, се зголемуваат и бизнис врските на Трамп организацијата со Блискиот Исток, вклучително и план за изградба на луксузен голф-резорт во Катар, во соработка со државниот инвестициски фонд на земјата.
Останува да се види дали овој извонреден подарок ќе се реализира, но според некои извештаи, тоа би можел да биде највредниот подарок некогаш добиен од страна на САД од страна на странска влада.
Коментирај анонимно