Еден обичен ден на една битолска домаќинка

Ме фати ешта за торта. Чаре, ќе ја напраам, ама си дадов мувлет, кога ќе ми биди ујгун, значи во недела саба – саба,на раат. Таков ми е табието, кога правам нешто, не сакам во кујната да ми се мота уште некој, за да си гледа чешити и цело време да пљампа нешто. Отворив ќитапот со рецепти, клавам ѕрцалата, се пулам, се думам и на крај ја пронајдов – чоколадна торта. Од мастраф ми фали само чоколадо но колај работа, со ниет сум да одам до бакалница, ем ќе си напраам муабет со продавачката а башка ќе и направам алаш – вериш. Купив отпојќе чоколадо,галиба фазла ќе ми остани. Се џари продавачката оти купив пол кило чоколадо и ми вели: аман комшике, уѕур те фати на оваа скапотија торта да праиш. Бујрум и велам, поели во недела, знаеш оти ми е пуштена раката, белким ќе ја бендисаш, ако имаш к’смет да остане некое парче. Знаеш каков калабалак сме дома и за унер сите мераклии на благо, за резил сум кога ќе ми дојди непендек некој гостин, па немам ништо благо да го почастам, ми иде в земја да пропаднам, ифрит им сум на сите.

Демек по планот во недела бидна ја напраив тортата, се’ по ѓутуре, без мерка ама се погоди салам торта. До вечерта маф ја направија, ни трошка не остана од тортата. Полојна торта јаде оној мојо суртук, око не му трепна, исаф да се немало за благо. Машала му велам, крв да ти се стори, јадеш ко скинат, никакво фајде од тоа, како циронка си напраен. Не оти се склдиса, уште ишарет ми дава, да не кревам џева.

Анастасија Кокан Петровска

Забелешка: Текстот е напишан со користење на голем број турцизми, кои и ден денес се користат во битолскиот говор. Доколку нешто не ви е јасно, битолчани ќе ви објаснат во коментари.

Смеењето е најслатко кога е на своја сметка. Дознајте какви несекојдневни работи се случуваат во секојдневниот живот на Македонците на каналот Македонски несекојдневни ситуации. Испратете своја смешна слика или видео овде.