Ен Хатавеј во центарот на вниманието со нејзиното затегнато лице – дело на природата или резултат на пластички операции?
Ан Хатавеј, 42-годишната оскаровка, предизвика гласини за можни естетски зафати откако се појави со неверојатно мазен тен на ревијата на Ralph Lauren за есен 2025, одржана во галеријата Jack Shainman во Трибека, Менхетен. Нејзиниот изглед беше дело на шминкерот Кристофер Бакл, додека фризерот Орландо Пита ѝ ја затегна косата во строго коњско репче – фризура што многумина ја нарекоа „природен лифтинг“.
Дури и при гласно смеење, челото на Хатавеј остана целосно мазно, што дополнително ги поттикна шпекулациите за употреба на ботокс или други процедури. Корисници на социјалните мрежи коментираа дека можеби се работи само за ефект од фризурата и шминката, додека други ја споредија со Аријана Гранде и Рамона Сингер, познати по слични трансформации.
Мислења на експерти
Во 2008 година, Хатавеј негираше дека имала естетски зафати, но призна дека некогаш сакала операција на нос. Според пластичниот хирург д-р Гери Мотиќи, нејзиниот изглед сепак укажува на можен ринотилтинг, ботокс, филери и процедури за затегнување на кожата. Тој ја посочи и потенката вилица, што може да е резултат на природна загуба на масно ткиво или на интервенции.
Кариера во подем и семеен живот
И покрај шпекулациите, Хатавеј блеска професионално. Таа штотуку го заврши снимањето на трилерот Verity, а се зборува дека ќе ја глуми Пенелопа во адаптацијата на Одисеја од Кристофер Нолан, каде ќе игра заедно со ѕвезди како Зендаја, Шарлиз Терон и Том Холанд. Нејзиниот список на идни проекти вклучува и продолженија на The Princess Diaries и The Devil Wears Prada, како и неколку нови филмски наслови.
На приватен план, актерката е мајка на две деца и веќе 12 години е во брак со Адам Шулман.
Коментирај анонимно