Епа од ова нема подобра тактика: Запознајте ги најголемите „прдачи“ во пикадото кои го правеле тоа за да им пречат на противниците и да победат

Уште еден скандал поврзан со испуштање на гасови ја погоди пикадо сцената откако Џејмс Вејд мораше да демантира дека прднал за време на неговата победа против Калан Ридс на Players Championship.

За време на победата од 6-5, камерите го фатија Вејд како оди до една маса по 11-тата игра. Тој малку ги свитка колената, а гледачите не можеа да престанат да се смеат откако на видеото се слушна гласен прдеж кој одекна низ салата.

Вејд веднаш отиде на социјалните мрежи за да негира дека тој бил „виновникот“ и рече дека тоа било звукот од лепенките на неговите нови патики. Тој напиша: „Чувствувам дека треба да расчистам една ситуација по моето стигнување до полуфиналето на PC22 денес. Има видео каде изгледа дека сум прднал, но всушност беше звукот од лепенките на моите нови патики. Не сакам повеќе да зборувам за тоа.“

Но, чудно е што ова не е првпат некој играч да биде обвинет дека прди за да му пречи на противникот. По победата против Ридс, Вејд загуби 7-4 од Гери Андерсон, кој исто така беше обвинет за прдење за време на меч. Во 2018 година, за време на Grand Slam of Darts, Андерсон беше обвинет од противникот Весли Хармс дека прднал за време на нивниот дуел, што го натера поранешниот претседател на PDC, Бери Херн, да се пошегува дека спортот мора „да го реши овој проблем“.

Прдежите беа толку силни што ги опишаа како мирис на „расипано јајце“. По победата против Хармс со 10-2, Андерсон рече: „Ако мисли дека јас прдев, 1.010 проценти греши. Еднаш имав проблем со стомакот на сцена и признав, така што нема да лажам за прдење на сцена.“

Хармс додаде: „Секој пат кога ќе поминев покрај него, мирисаше на расипани јајца, па мислев дека е тој. Мирисот беше ужасен. Почна да игра подобро и си мислев дека мораше да ослободи некој гас. Ако некој прднал така, треба да оди на доктор.“

Друг голем играч што беше обвинет за прдење на сцената е 14-кратниот светски шампион Фил „The Power“ Тејлор. Во средината на 2000-тите, ривалот Алекс Рој изјави дека било тешко да се концентрира поради „ужасниот мирис“ за време на нивниот дуел.

„Фил е одличен играч, но факт е дека е многу гасовит,“ рече Рој. „Тешко е да се концентрираш, а уште потешко кога има ужасен мирис кој ти го полни носот. Претпоставувам дека не може да го контролира. Не знам што јаде пред натпревар, но можеби треба да размисли да го смени.“

Тејлор веднаш одговори на обвиненијата: „Кој го почувствува мирисот, тој го пушти. Јас сум чист. Јас сум господин и никогаш не би користел такви евтини трикови. Единствениот мирис околу мене е слаткиот мирис на успехот“.