Еве што се случува со нашето тело кога јадеме лута храна
Некои јадења се толку лути, што готвачите мораат да носат маска додека готват за да се заштитат од мирисот. Јадењето лута храна има непобитен ефект врз целото тело. Но, не многу луѓе се свесни за позитивните и негативните ефекти со кои ќе треба да се соочат.
1. Може да изгубите тежина.
Јадењето лута храна е лесен начин да согорите малку дополнителни маснотии. Ништо не може да го замени вежбањето и здравата исхрана, но капсиноидите што се наоѓаат во пиперките не можат да наштетат. Тие се познати по зголемување на потрошувачката на енергија и намалување на телесните масти.
2. Вашата толеранција за болка ќе се зголеми.
Тешко е да се поверува, бидејќи јадењето лута храна е болно само по себе за некои луѓе. Сепак, специјалистите сугерираат дека капсаицинот може да насочи кон специјална супстанца во нашиот мозок, одговорна за болни чувства. Тоа го мами нашиот мозок да ја игнорира болката, убав бонус за оние кои не се плашат од лути работи.
3. Вашиот имунолошки систем ќе се подобри.
Додека уживате во лута храна, вашето тело се збогатува со антиоксиданти. Особено е корисно за време на сезоната на грип, бидејќи антиоксидансите нè штитат од микроби што ги напаѓаат нашите тела.
4. Постои можност да живеете подолго.
Оваа студија покажа дека оние кои јаделе лута храна 6-7 дена неделно имале 14% пониска стапка на смртност. Тука не се земале во предвид други фактори на ризик па лутата храна нема да им помогне на оние кои имаат нездрав начин на живот.
5. Желбата за шеќер ќе се намали.
Повеќе не е тајна дека шеќерот е страшен за вашето здравје, но намалувањето на неговата количина не е лесно. Експертите велат дека додавањето лути јадења во вашето мени од време на време може да помогне во борбата против желбата за шеќер. Слично е како да пиете чаша сок од портокал откако ќе ги измиете забите – откако ќе јадете нешто луто, обично не сакате ништо слатко.
6. Вашите пупки за вкус ќе страдаат.
Вашиот јазик ќе биде првиот што ќе ги почувствува негативните последици од желбата за лута храна. Вашиот јазик ќе почувствува врело печење и ова не е само чувство, туку ќе биде вистински изгорен. Поради тоа, нема да можете да вкусите толку многу вкусови како порано, но не грижете се, ова е само привремено. Вашите рецептори за вкус ќе закрепнат, освен ако не јадете премногу лута храна на дневно ниво подолго време.
7. Може да предизвика алергиска реакција.
Некои луѓе велат дека имаат отечено лице и чешање наутро по јадење лута вечера. Ова може да се случи бидејќи пиперките веројатно предизвикуваат алергии. За некои луѓе, оваа реакција е само природна реакција на организмот на луто.
8. Проблемите со вашиот стомак може да се влошат.
Ако имате чувствителен стомак, јадењето лута храна е лоша идеја. Прво, тоа може да ви даде дијареја. Причината зошто е тоа така е капсаицинот, кој има позитивни ефекти врз телото, но општо земено, е иритант. Дополнително, може да предизвика привремен гастритис или ако веќе имате проблеми со стомакот, тие веројатно ќе се влошат.
9. Може да ја зголеми горушицата.
Пиперките вклучуваат комбинација на киселини и кога јадеме премногу sидовите на нашиот стомак почнуваат да горат. Оваа состојба може да се влоши и да стане хронична на долг рок.
