Еве зошто „падна“ Фејсбук, според експертите

Експертите за интернет ја разгледаа причината за неколкучасовниот проблем со „Фејсбук“, „Инстаграм“ и „ВатсАп“, кога апликациите станаа недостапни.

Фејсбук и неговите платформи, вклучително и Инстаграм и ВатсАп, беа офлајн во понеделникот, 4 октомври. Прекинот беше низ целиот свет, при што многу луѓе излегоа на Твитер за да ги споделат своите реакции. Прекинот траеше повеќе од шест часа, без многу информации дадени од Фејсбук за тоа што го предизвика.

Додека многу теории и заговори кружеа околу тоа што би можело да го предизвика проблемот, група експерти понудија увид со прилично едноставно објаснување.

Кога „Фејсбук“ „падна“, компанијата објави нејасна изјава во која се вели дека е свесна за проблемот и се извини за непријатностите:

„Свесни сме дека некои луѓе имаат проблеми со пристапот до нашите апликации и производи. Работиме за да ги вратиме работите во нормала што е можно побрзо и се извинуваме за непријатностите. До огромната заедница луѓе и бизниси низ целиот свет кои зависат од нас: жал ни е. Работиме напорно за да го вратиме пристапот до нашите апликации и услуги и со задоволство ве известуваме дека сега се враќаат на интернет. Ви благодариме што бевте трпеливи“.

За време на прекинот, многу теории за тоа што го предизвика падот почнаа да кружат на интернет. Некои луѓе мислеа дека  хакерската група Анонимуси стои зад тоа.

Трој Мурш, главен директор за истражување на разузнавачката компанија за сајбер закани  „Bad Packets“  разговараше со „Wired“ и го даде своето мислење за проблемот. Тој рече: „Прекинот на „Фејсбук“ се чини дека е предизвикан од DNS, тоа е само симптом на проблемот. DNS е систем со имиња на домени, и тоа е тоа што стана недостижно кога „Фејсбук“ падна. DNS е она што им овозможува на луѓето да ги најдат веб -страниците што ги бараат на интернет. DNS на Фејсбук очигледно не беше достапен за време на неговиот прекин“.

Невозможноста мрежата на Фејсбук да се поврзе на интернет може да биде причината зошто на компанијата и требаа повеќе од шест часа за да го решат проблемот, бидејќи нејзините вработени, наводно, имале потешкотии да се приклучат и на „Фејсбук“ мрежата.

„Фејсбук“ е вратен во функција, но допрва треба да објави официјално соопштение за тоа што го предизвика прекинот.