„Генијалец“ на годината се јавил во полиција за да му направат една „мала услуга“ и заврши во затвор

Ако сакате да купите нелегални дроги, сигурно првото правило е да не ѝ кажувате на полицијата, нели? За жал, Томас Јуџин Колучи, од Спринг Хил, се чини дека не го сфатил добро тој дел.

Пресметката на 41-годишникот со локалните органи за спроведување на законот дошла откако тој се јавил на 911 (полиција) со итен случај: тој сакал да ја тестира автентичноста на метот што го купил во бар.

Замениците на шерифот на округот Хернандо биле испратени во неговиот дом на 10 март по необичното барање на Колучи.

„Колучи им кажа на полицајците дека неодамна купил метамфетамин од маж што го сретнал во еден локален бар, и откако употребил малку од него, поверувал дека всушност станува збор за сол за капење“, се вели во соопштението.

Потоа, тој им кажал на полицајците дека бил „искусен корисник на дрога“, кој претходно користел мет, соопштила полицијата и „знаел како треба да се чувствува“. Во оваа прилика, неговиот купен производ не му го дал предвидениот ефект.

Колучи потоа земал две кесички со кристали внатре и им ги дал на полицајците. Тој не само што сакал да ја тестира автентичноста на неговиот мет, надевајќи се дека ќе ги спречи другите да купуваат „лажни“ дроги, туку сакал и полицијата да го уапси лицето кое му ја продало дрогата. За жал, тој не можел да даде никакви информации за дилерот.

„Како што беше побарано, заменик изврши теренско тестирање на примерок од белата супстанција слична на кристал од секоја од вреќичките. Супстанцијата од двете кеси беше позитивна на метамфетамин“, продолжува соопштението.

Колучи бил уапсен и ставен во задниот дел на патролно возило, каде почнал да чувствува болки во градите. Тој бил однесен во локална болница, а подоцна лекарот го ослободил.

Потоа бил одведен во притворниот центар на округот Хернандо под обвинение за поседување метамфетамин и две точки за поседување на реквизити за дрога. Колучи бил ослободен во петокот, на 11 март, откако платил кауција од 7.000 долари.

Канцеларијата на шерифот ја сподели приказната на Колучи на социјалните мрежи заедно со неговата фотографија и друга слика на која се вели: „Едноставно не можете да ги измислите овие работи!“.

„Ако вие, или некој што го познавате, се сомневате во автентичноста на какви било нелегални наркотици што ги имате при рака или сте ги набавиле од друго лице, Канцеларијата на шерифот на округот Хернандо со задоволство ја нуди оваа услуга, БЕСПЛАТНО“, се додава во соопштението.