Германија започнува со пробна четиридневна работна недела, во обид да ја спаси својата „болна“ економија. Ние до каде сме?

Во Германија започна четиридневната пробна работна недела, додека земјата се бори да ја заживее својата економија која се бори. Од оваа недела, неколку германски компании ќе им даваат на своите вработени еден дополнителен слободен ден секоја недела – а сепак ќе им ја исплаќаат целосната плата.

Синдикатите тврдат дека ваквото работење би го направило персоналот попродуктивен, но и поздрав и посреќен.
Дополнително, може да им обезбеди на компаниите начин да привлечат нов персонал, бидејќи недостигот на квалификувана работна сила во Германија значеше дека работодавците се мачат да ги пополнат отворените огласи за работа.

Четиридневната работна недела може да резултира со пад на отсуствата поради стрес, болест и исцрпеност, според „Блумберг“.
Земјата во последно време загуби до 207 милијарди евра за додадена вредност, според податоците на Федералниот институт за безбедност и здравје при работа.

Една од 45-те компании-учеснички е агенцијата за планирање настани „Solidsense“. Нејзиниот ко-основач, Серен Фрике, изјави: „Апсолутно сум убеден дека инвестициите во оваа „нова работа“ се исплатат бидејќи ја зголемуваат благосостојбата и мотивацијата, а потоа ја зголемуваат и ефикасноста. Четиридневната недела, ако функционира, нема да не чини ништо на долг рок“.

До 2035 година, повеќе од 7 милиони луѓе ќе ја напуштат германската работна сила – но нема кој да ги замени, бидејќи стапката на наталитет и имиграцијата не можат да ја премостат границата.

Управниот директор на друга фирма учесник во пилот прокетот, компанијата за производство на прозорци „Еуролам“, рече дека неговата компанија се вклучува за да биде „модерна“ и да ги прифати промените – ако не беше, немало кој да остане да работи за нив.

И покрај најголемото економско производство во Европа, продуктивноста на Германија е запрена поради недостаток на инвестиции во иновации и дигитализација – и без подобрување во овие области, дури и четиридневната недела не би генерирала поголема продуктивност, според економистот Енцо Вебер.
Но, претходните испитувања во САД и во Канада покажаа дека има потенцијални придобивки во четиридневната недела, бидејќи вработените изјавија дека се чувствуваат подобро физички и помалку „прегорени“.

По овие обиди, ниту една од компаниите-учеснички не се врати на петдневната работна недела.