„Ги дојам моите 7 кукли и се грижам за нив како да се вистински бебиња – не ми е гајле што мислат хејтерите“

Кели Канингам отсекогаш сакала да биде мајка – но без свое бебе, Њујорчанката ги дои своите кукли. Жителката на Ронконкома купила „Преродена кукла“ за нејзиниот 27-ми роденден и вели дека брзо почувствувала како нејзиниот мајчински инстинкт влегува во неа.

„Едноставно не можев, а да не сакам да се грижам за Џенифер како вистинско дете. Не можам да објаснам како се случи тоа, но одеднаш толку се приврзав за неа и ја поминав таа недела купувајќи ѝ облека и на крајот нејзиниот сопствен кревет што седи до крајот на мојот кревет во мојата соба. Татко ми ми објасни дека е нормално да имам таква желба да бидам родител сега кога сум во доцните 20-ти, па затоа не се прашував зошто ги сакам овие кукли толку многу како вистински деца“, изјави Канингам, која сега има 29 години.

Но, не грижете се! Канингем не е единствената кој емотивно се врзува за куклите.

Познато е дека Reborn Dolls (Преродени кукли) се користат како форма на терапија за да се обезбеди чувство на удобност и поврзаност за луѓето кои се борат со неплодност, губење на доенчиња или деменција. И сето тоа е во ред, додека тие луѓе не ги заменат за вистински бебиња нели?

Но, во текот на изминатите неколку години, Канингам продолжи да ја додава својата колекција и сега се грижи за седум Reborn Dolls. А, сега е загрижена затоа што луѓето ја критикуваат за начинот на чување.

„Јас веќе направив истражување во заедницата на Reborn, па веќе знаев дека доењето на кукла не е добро прифатено. Кога гледам наназад, требаше да го задржам тоа за себе бидејќи многу луѓе се налутија кога го признав. Јас гледам на тоа дека тоа е само кукла што ја дојам. Никогаш не сум разбрала зошто женските гради се толку сексуализирани што е неприфатливо да се зборува за тоа. Ако доев вистинско бебе, никој ништо не би рекол, па зошто луѓето се лутат затоа што признав дека дојам кукла?“

Самата Канингам се облекува во различни костими – познати како косплеј – повеќе од една деценија. Таа неодамна одлучи да ги облече и своите кукли.

„Се сеќавам дека имав идеја можеби пред два месеци сега да почнам да ги правам и Reborn TikToks и Cosplay TikToks. Со моите први видеа на Reborn, не сакав да ги измачувам, но имав чувство дека видеата ќе ме направат повирална од мојот косплеј TikToks. Уште кога бев мала, секогаш сонував да бидам позната по нешто. Секогаш сонував за успех“.

Па, куклите на Канингем Reborn ѝ помогнаа да го постигне тоа. Таа моментално има 23,7 илјади следбеници на TikTok каде што споделува видеа на кои се грижи за куклите и се поврзува со заедницата Reborn.

„Кога излегувам со моите кукли во јавност, луѓето зјапаат во мене додека не ме снема од видното поле. Се започна кога ја однесов Џен во паркот на 30 минути пеш за да можам да продолжам да губам килограми“, признала таа. „Ги видов сите во нивните автомобили како ме гледаат и на почетокот се чувствував лошо за себе“.

Сепак, поттикната од нејзината слава на социјалните мрежи, Канингем најде самодоверба. „Сега повеќе не ми е гајле што мислат луѓето“.