Главната река во Јужна Америка страда од суша, и ова е огромна закана за екосистемот
Реката Парана, една од главните трговски водни патишта во Јужна Америка, го достигна најниското ниво во скоро 80 години поради продолжената суша во Бразил, што научниците ја поврзуваат со климатските промени.
Загрозен е огромен екосистем, кој вклучува вода за пиење за 40 милиони луѓе, егзистенција на рибарските заедници и земјоделци, како и испорака на главен центар за извоз на жито.
Аргентинскиот Национален институт за вода го оцени ниското ниво на водата во реката Парана, која минува низ Бразил, Парагвај и Аргентина, како „најлошото од 1944 година“.
„Ова природно богатство јасно ни дава знаци дека не е бесконечно“, рече екологот Хорхе Бартоли, координатор на Ел Парана Но Се Тока (Парана мора да остане недопрена).
Нискиот водостој се должи на рекордната суша во Бразил, каде што започнува реката.