Хендикепираното портокалово маче со лут израз на лицето, стана ХИТ сензација на Интернет, поради неговиот „неуредно човечки” изглед

Прекрасно хендикепирано маче со луто лице стана нова интернет сензација.

Спасеното маче, Тејтер Тот, ги шармираше корисниците на „Фејсбук” и „ТикТок” ширум светот со неговата неуредна коса и гипсот на неговите предни шепи.

Портокаловото маче го пронашла неговата спасителка Еш Хотон пред нејзиниот дом во Јута , само еден ден по неговото раѓање.
„Видовме дека сите четири негови нозе се неправилни“, изјави Хотон. „Неговите предни нозе беа заглавени на свиткување од 90 степени, а задните нозе беа целосно криви. Роден е и со расцеп на непцето”.
Сега, илјадници љубители на мачки ширум светот го следат неговиот напредок додека создаваат слики и мемиња од неговиот лик.

Кога Хотон за прв пат се сретнала со Тејтер Тот минатиот месец, таа забележала дека тој сè уште има чувства и движења во нозете.
Се обидела да го нахрани со шприц, вели таа, но тој не можел да сфати како да пие од него.
„Нормално, кога за прв пат ги храните мачињата со шише, тоа не е природно чувство за нив, па тие некако се мачат минута или две, но на крајот ќе сфатат што прават, и тој инстинкт ќе се појави”.

По кратко време, спасувачите успеале да добијат гипс за неговите предни нозе – розова на десната нога и тегет на левата.
„Од првиот ден, можев да видам дека Тејтер има многу храброст, многу мотивација“, вели Хотон. „И се додека тој се бори да остане жив, ние ќе продолжиме да се бориме за него“.

Како и со сите мачки што ги спасила низ годините, Хотон решила да го сподели својот напредок со Тејтер на социјалните мрежи.