Храбра борба за живот: Девојче од 15 години изгуби рака, нога и две третини од крвта по напад од ајкула, но преживеа благодарение на три ангели на плажата

Содржина:

• Нападот се случи во плитките води: Лулу изгуби лева рака и дел од десната нога
• Стравотна сцена: Клучните моменти на брегот, крв, паника и борба за живот додека близначката ја бодреше Лулу да не се предаде
• Три медицинари-ангели ја спасуваат Лулу со брзи и прецизни потези на самото место и ѝ го спасуваат животот
• Мајката доживува кошмар: Го гледа детето полумртво, а лекарите најавуваат ампутација
• Надчовечка сила и желба за живот: Лулу после операцијата веднаш се враќа на нозе со протетика, и наоѓа нова смисла во спортот и секојдневието
• Животот по трагедијата: Протетиката ѝ носи нови предизвици и радости
• Lulu Strong: Фондација, нов закон и семејна љубов како порака за надеж и иднина

Нападот се случи во плитките води: Лулу изгуби лева рака и дел од десната нога

Лулу воопшто не се сеќава на нападот, што го припишува на шокот. Не чувствувала болка, дури не го видела ниту предаторот – само неговата сенка. „Го исправив левото раме над водата и видов: немаше рака. Само месо и коска стрчеа.“
Ајкулата ѝ ја скинала главната артерија во бутот. „Таквата повреда значи смрт за 30 секунди,“ вели нејзината мајка Ан Блер. Но чудото се случи – Лулу преживеа губење две третини од крвта. Вкупната количина крв што ја изгубила, според лекарите, одговара на волумен што би покрил површина голема колку еден олимписки базен.

Стравотна сцена: Клучните моменти на брегот, крв, паника и борба за живот додека близначката ја бодреше Лулу да не се предаде

Откако нејзината пријателка викнала „ајкула!“, сите почнале да пливаат кон брегот. Лулу знаела дека паничнoто мрдање привлекува ајкули и затоа се движела побавно. Но било предоцна.
„Бев во тотален шок,“ вели таа. „Мозокот знаеше што се случува, но телото не реагираше. Кога сфатив дека ме има, не можев да викнам помош, да пливам или да се движам.“
Додека ајкулата сè уште ѝ била закачена за ногата, на помош ѝ притрчал Стивен Бин, кој ја удирал ајкулата да ја ослободи. „Тој ми го спаси животот.“ Во наредните мигови, луѓе на плажата почнале да ѝ ја завиваат рана, а близначката Ели клечела до неа и ја бодрела : „Ти можеш, само диши. Одлична си!“.

Три медицинари-ангели ја спасуваат Лулу со брзи и прецизни потези на самото место и ѝ го спасуваат животот

Медицинската среќа на Лулу продолжи – меѓу присутните на плажата имало три медицински лица. Акушерката Делани Квинели веднаш побарала маици и пешкири; радиологот Мохамад Али ја притиснал феморалната артерија на Лулу, а семејниот доктор Рајан Форбес и проверил пулсот, подготвен за реанимација. Тие тројца станале нејзините „ангели на плажата“.

Мајката доживува кошмар: Го гледа детето полумртво, а лекарите најавуваат ампутација

Мајка ѝ Ан Блер, која не била со девојчињата туку на ручек, веднаш почувствувала дека нешто не е во ред. „Голема толпа стоеше на брегот и гледаше кон водата. Лулу лежеше на земја, бледа како дух.“
Кога ја погледнала ногата, Ан Блер сфатила дека од средината на бутот па надолу нема ништо, само коска. Лекарите ја информирале дека левата рака е изгубена, а ако ја спасат десната нога, подоцна ќе мора да ја ампутираат. Одлучиле веднаш да ја ампутираат за да ѝ спасат живот.

Надчовечка сила и желба за живот: Лулу после операцијата веднаш се враќа на нозе со протетика, и наоѓа нова смисла во спортот и секојдневието

Веднаш по будењето по операцијата, првите зборови на Лулу биле: „Ја преживеав.“ Морала да се соочи со тешка рехабилитација; девет операции за отстранување на инфекции, борба со фантомска болка во изгубените екстремитети. „Ја чувствував ногата како да гори,“ се сеќава таа.
По само три месеци учела повторно да оди. Нејзината медицинска рехабилитација траела само 77 дена – успех што обично бара цела година кај ампутирани лица. Семејството и пријателите ѝ приредиле забава во нејзина чест по враќањето дома, сите облечени во виолетово – нејзината омилена боја.

Животот по трагедијата: Протетиката ѝ носи нови предизвици и радости

Лулу брзо научила да се справува со новото тело: од основни работи како одење и врзување врвки, до користење на модерна протетика – нејзината „раката може да ротира цел круг, ногата има копче за вртење при обување чевли“. Како спортист, забележала дека кога ја симнува својата протетичка нога, има подобра ротација на голф полето: „Можам да ја удрам топката подалеку“.
Еден од најсреќните моменти бил кога со семејството присуствувала на концерт на Тејлор Свифт, добијќи посебна покана од мајка ѝ на пејачката. „Тејлор и нејзините родители беа прекрасни со нас – сите заедно танцувавме.“

Lulu Strong: Фондација, нов закон и семејна љубов како порака за надеж и иднина

Семејството на Лулу ја формира фондацијата Lulu Strong, со мисија да ги направи модерните протези достапни за секој со ампутација. Благодарение на нив во Алабама беше донесен и закон за известување за напади од ајкули – „Закон на Лулу“. Со новиот систем, мобилните телефони испраќаат аларм при напад.
Иако доживеала невидена трагедија, Лулу не се жали. „Понекогаш посакувам да ги имам и двата екстремитети, но секој ден гледам кон светлата страна,“ вели таа. Тежнее кон Параолимписките игри и се надева дека нејзината приказна ќе биде инспирација за други. „По нападот, нашето семејство стана уште поединствено. Сите се шегуваат зошто јас добивам подароци, мајка ми им вели: ’Па, изгуби рака и нога, мора некогаш и да ѝ попуштиме!‘“