„И двете мои бебиња РАБОТАТ, иако се уште во пелени – едното од нив заработи дури 45.000 долари месечно“

Пари Гоф, мајка од Британија, ги воодушеви корисниците на социјалните мрежи откако откри дека нејзините синови заработуваат пари како детски модели. Шестмесечниот Хантер и едногодишниот Ромео редовно работат на снимања за различни брендови, заработувајќи илјадници долари месечно.

„Во јули, го користеа Хантер за телевизиска емисија, па заработи 7.445 долари“, се пофали Британката во видео на ТикТок, опишувајќи ги профитабилните заработки на нејзините деца.

„Во август, имаше снимање за продавница, ТВ настап и две нарачки за облека и заработи 14.889,36 долари“.

Хантер, кој „работи“ од својот прв месец, заработил речиси 45.000 долари во септември, правејќи „Halloween“ фотографии.

Тој потоа направил кратка пауза во октомври, со едно снимање од околу 3.474 долари, пред да заработи 14.890 долари во ноември и над 23.500 долари во декември, иако работел само три недели во последниот месец. Вкупно, Хантер заработил околу 108.000 долари за шест месеци — повеќе од годишната плата на многу луѓе.

Сепак, Хантер и Ромео не ги чуваат заработените пари. Тие се ставени на штедна сметка што ќе ја отворат кога ќе направат 18 години.

Видеото импресионираше многумина на интернет, затоа што овие мали модели заработуваат толку многу додека се уште носат пелени.