Илон Маск кажа колку пари ќе заштеди DOGE, со кратење на непотребни трошоци и измами во Владата – нека го пратат и кај нас да им ги испразни џебовите на нашите политичари
Илон Маск, на состанок во Кабинетот на САД, откри дека иницијативата DOGE ќе заштеди неверојатни 150 милијарди долари за американските даночни обврзници во фискалната 2026 година.
„Благодарение на вашето фантастично лидерство, овој неверојатен Кабинет и многу талентираниот тим на DOGE, со возбуда објавувам дека очекуваме заштеди од 150 милијарди долари во 2026-та година преку намалување на расипништво и измами,“ рече Маск.
Тој додаде дека некои од владините програми биле „апсурдни“ и „луди“. „Како луѓе што добиваат надомест за невработеност, а сè уште не се родени,“ пошегува Маск.
Од ветени 2 трилиони до „само“ 150 милијарди – сепак не е малку
Иако првично Маск целеше кон кратење од дури 2 трилиони долари, подоцна го нарече тоа „најдобар можен исход“ и изјави дека е пореално да се постигне половина – околу 1 трилион долари. И покрај тоа, заштедата од 150 милијарди е резултат што, како што вели тој, секој Американец треба да го почитува. Според податоците на DOGE, досега веќе се заштедени 931 долар по даночен обврзник.
„Луѓето ме прашуваат: како ќе најдеш расипништво и измама во владата? Јас им велам – тргнете во било која насока. Тоа е како целна зона преполна со мети“, изјави Маск, повторно користејќи се со својот препознатлив сарказам.
Критики од демократите и кратење на „чудни“ странски проекти
Иако Маск ја пофали соработката од министрите и уверуваше дека заштедите ќе значат подобри услуги за граѓаните, демократите возвратија со критики – тврдат дека DOGE ги укинува суштинските услуги и дека неговите вработени имале пристап до приватни податоци на милиони Американци.
Особено контроверзен беше потегот на DOGE кога скрати 51 милион долари од субвенции за, како што ги нарекоа, „бизарни иницијативи“ во Африка. Меѓу нив беа:
• 230.000 долари за маркетинг на органско шеа масло во Буркина Фасо
• 84.000 долари за бизнис инкубатор за спа и велнес претприемачи во Нигерија
• 240.000 долари за маркетинг на сок од ананас во Бенин
• 100.000 долари за зголемување на производството на јогурт во Уганда
• 50.000 долари за WhatsApp маркетинг чатбот во Кенија
• 50.000 долари за обука на земјоделци за одгледување драгонфрут во Сенегал
Овие кратења предизвикаа бран протести и осуди од либералните активисти ширум светот, но Маск останува на ставот дека САД треба да трошат помалку на „фантазмагорични експерименти“ и повеќе на своите граѓани.
\
Коментирај анонимно