Имаме свежо месо, денес излезе од лабораторија: Продавниците и рестораните во САД отсега можат легално да ви продаваат лабораториски произведено пилешко

Пилешкото одгледано во лабораторија може легално да се продава во ресторани и продавници низ САД за прв пат, велат регулаторите.

Секторот за земјоделство даде зелено светло за продажба во средата по прегледот на процесот на производство и етикетирањето на производите.

Компаниите кои стојат зад месото одгледано во лабораторија велат дека почнале да пополнуваат нарачки за ресторани со висока класа во Сан Франциско и Вашингтон и се надеваат дека нивното месо ќе го донесат во продавниците за храна до 2028 година.

Храната одгледана во лабораторија веќе доби зелено светло од Администрацијата за храна и лекови (ФДА), која утврди дека тие се произведени во безбедни услови и се погодни за човечка исхрана.

Месото одгледано во лабораторија се прави со земање на мал примерок од клетки од добиток, како пилешко или крави, и нивно одгледување во лабораторија. Тие се обработуваат во огромен челичен сад наречен биореактор што ги прави да изгледаат и да имаат вкус исто како вистинско парче месо.

Денешната одлука ги прави САД втората земја во светот која има одобрено за продажба месо одгледани во лабораторија. Првата беше Сингапур, која им даде зелено светло во 2020 година.

Најавувајќи го овој потег денес, извршниот директор и основач на „Upside Foods“ Ума Валети рече: „Ова одобрување фундаментално ќе го промени начинот на кој месото доаѓа на нашата трпеза. Тоа е огромен чекор напред кон поодржлива иднина – онаа која ги зачувува изборот и животот“.

Тој рече дека нивната прва нарачка дошла од готвачот Доминик Крен, кој води ресторан наречен Бар Крен во Сан Франциско.

„Good Meat“, кој исто така произведува лабораториски месо, рече дека му продале месо од лабораторија на познатиот готвач Хозе Андрес, кој планира да го послужи во еден од неговите ресторани во главниот град Вашингтон.

Компаниите не кажаа колку месото одгледано во лабораторија ќе ги чини потрошувачите, но тоа најверојатно ќе биде со висока цена. Производителите се надеваат дека ќе го зголемат производството за да го направат месото подостапно и да го внесат во намирници до 2028 година.

За споредба, месната индустрија со години е под притисок поради лошиот квалитет на живот и домување на животните наменети за чинии за вечера, прекумерна употреба на антибиотици и 57 отсто од стакленички гасови произведени од земјоделството.

Други компании кои одгледуваат месо во лаборатории за продажба се „Good Meat“ со седиште во Калифорнија, „Mosa Meat“, во Холандија и „Believer Meats“, во Израел. Овие се исто така во разговори со ФДА за да добијат одобрение