„Имав 17 години и дознав дека сум бремена дента кога се породив – немав стомак, ниту било каков симптом дека носам дете“

Како и милиони жени секоја година, тинејџерката Пејџ Хол решила да направи тест за бременост откако се разбудила и се чувствувала чудно. Само што не знаела дека ќе роди бебе истиот ден.

Лекарите ѝ кажале на шокираната 17-годишна девојка дека таа е всушност 9 месеци бремена и дека веднаш ѝ треба царски рез. Хол доживеала она што лекарите го нарекуваат криптична бременост, каде што жената не покажува очигледни знаци на бременост, како што се прекини на менструацијата или развивање на бебешки стомак

Сега 25-годишната мајка од Прествуд, Бакингемшир, раскажа колку била изненадена кога дознала дека е бремена во 39-та недела и дека ќе стане мајка тој ден. Г-ѓа Хол објасни дека земала контрацепција и никогаш не пропуштила менструација во текот на сите девет месеци кога била бремена со нејзиниот син Џенсон.

Што се однесува до нејзиниот непостоечни стомак, мајката објасни дека нејзиниот син лежел преку грбот, па таа сепак изгледала многу слабо. Дури кога била бремена во 39-та недела, забележала симптоми.

Г-ѓа Хол објасни дека едно утро се разбудила и се чувствувала „навистина чудно“ и направила тест за бременост кој бил позитивен. Во паника, г-ѓа Хол го повикала својот лекар пред да биде советувана да направи скенирање во болница. Откако скенирањето било завршено, таа не го видела резултатот веднаш, но се присетила како лекарите и дале летоци за царски рез.

И покрај тоа што била целосно несвесна за ситуацијата, нејзиниот син, Џенсен, се родил целосно здрав. Како апсолутно преплашена тинејџерка без ништо подготвено да се грижи за дете, таа не знаела каде да се обрати за помош, па решила да праша на интернет и нашла цела заедница на луѓе кои имале или минуваат низ слично искуство за да ја поддржат.

Еден труд од 2002 година објавен во „Британскиот медицински журнал“ проценува дека криптичните бремености се случуваат само кај околу една на секои 2.500 бремености.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!