Ирец испил 81 кригла пиво од по пола литро во еден викенд и тврди дека немал никаков мамурлак

Шон Брајан (33) од Килкени, Ирска ги сподели деталите од неговиот доста пијан викенд.

Човекот рече дека почнал да пие во 13 часот на 29 декември во неговиот локален паб и продолжил во текот на следните два дена завршувајќи ја својата 81-ва пинта (чаша од отприлика пола литро) во 21 часот на новогодишната ноќ – пред да си легне пред полноќ

Шон рече дека потрошил неверојатни 400 евра на пиво во текот на трите дена и вели дека Гинис е неговиот омилен алкохолен пијалок.

Но, откако љубителот на Гинис ги сподели своите достигнувања на интернет, многу корисници на социјалните мрежи не беа импресионирани од неговиот трик поради здравствените ризици и рекоа дека е „глупав“ што се фали со тоа. Стотици корисници на Фејсбук го означија неговото однесување како „опасно“, додека други рекоа дека дури и не би пијат толку алкохол за еден месец.

Мажите и жените не се советуваат да пијат повеќе од 14 единици алкохол неделно на редовна основа.

Ова е еквивалентно на шест литри пиво со просечна јачина или 10 мали чаши вино со пониска јачина и долгорочна злоупотреба на алкохол може да резултира со ослабен имунолошки систем, висок крвен притисок, заболување на црниот дроб и да ги зголеми шансите за мозочен удар.

Една половина литар Гинис содржи 210 калории и носи бројка на единица алкохол од 2,3 по пивце.

Во случајот на Шон, беше забележано дека тој внел повеќе од 17.000 течни калории за три дена, што резултирало со 186,3 единици алкохол – 13 пати повеќе од неделните препорачани максимални единици.

И покрај тоа што другите покренаа загриженост за безбедноста 33-годишникот рече дека не брои калории и верува дека неговото пиење не било опасно бидејќи било еднократно.

„Мислам дека не е опасно да се направи еднаш, но ако го правите тоа од недела во недела, ќе биде. Но, бидејќи беше еднократно и бидејќи беше Божиќ е сосема во ред.. Почнав да пијам во петокот на 29 декември и го испив мојот прв Гинис околу 13 часот во локалниот паб. Одев дома секоја вечер, но се враќав секој ден и престојував во пабот за време на викендот пиејќи. Успеав да испијам 81 пинта Гинис и ова го подобри мојот последен рекорд од 78. Го испив 81-то пивце во неделата на 31 декември во 21 часот, а потоа отидов дома во 22 часот, па не продолжив да пијам до Нова година. Немав мамурлак, но бев доста уморен. Просечна половина литар Гинис во паб во Европа е околу пет евра, а вкупно потрошив околу 400 евра во тие три дена.“.

Шон рече дека откако го завршил својот предизвик од 81 пинта, неговите пријатели сега го предизвикале да испие 100 Гинис за три дена, но за среќа тој нема да го проба бидејќи верува дека овој предизвик можеби е невозможно да се заврши.