Истегнување „молитва“: Со оваа вежба кажете им збогум на шилците и болките во грбот после цел ден седење во канцеларија

Многумина од нас се борат со болки во грбот, а особено околу рамениците. Овие мускули околу рамената ги користиме за многу вежби, а тие може да се вкочанат кога седиме цел ден на работа. Лошата вест: со текот на времето вкочанетоста на овие мускули може да влијае на подвижноста на рамената и да придонесат за болка во рамената, вратот или долниот дел на грбот.

Но, има и добри вести. Можете да го олабавите горниот дел од грбот, рацете и рамената – и да ја подобрите подвижноста на рамената – со помош на вежба наречена „молитва“

Оваа вежба можете да ја правите за да ги истегнете грбот и рацете, а исто така може да ја подобри подвижноста на торакалниот ‘рбет и рамената.

Како да го направите истегнувањето.

1. Клекнете на подот свртени кон клупа за вежбање или друга подигната површина. Ставете подлога под колената за удобност.
2. Ставете ги лактите на клупата и притиснете ги дланките заедно. Главата треба да ви оди помеѓу рамената
3. Однесете ги колковите назад кон стапалата. Наведнете го горниот дел од грбот додека нежно ја туркате главата надолу меѓу рацете под работ на клупата. Треба да почувствувате истегнување на страните на грбот и задниот дел на рацете.
4. Држете ја положбата за истегнување 30 до 60 секунди додека земате бавно, опуштено вдишување. Или, можете полека да се движите назад и напред или лево-десно за 5 до 10 повторувања.