Избегнете развој на дури 60% од болестите на денешницата, отфрлајќи го овој тип на храна од вашето секојдневно мени!

Доктор апелира до луѓето да го исфрлат овој тип на храна ако сакаат да го намалат ризикот од развој на „60% од болестите“.

Поради напорниот работен ден и постојаната борба меѓу приватниот и професионалниот живот, привлечноста на удобната, брза храна никогаш не била поголема. На крајот на краиштата, кој би сакал да поминува часови пред шпоретот по осум часа на работа кога може брзо да подготви оброк и да го искористи тоа време за прелистување на социјалните мрежи?

Сепак, се чини дека овој животен стил не е најдобар за нашето здравје. Па, ајде да видиме за која храна експертите велат дека е морално да се исфрли од секојдневието.

Еден од оние што се стремат да ги потенцираат опасностите од прекумерното користење на брза, преработена храна е доктор Крис ван Тулекен, доктор по молекуларна вирологија, водител на неколку медицински програми на BBC и автор на книгата „Ultra-Processed People“ од 2023 година. Изразувајќи ја својата загриженост за зависноста од ултра-преработената храна, ван Тулекен истакна дека избегнувањето на храната богата со шеќер и заситени масти може да го намали ризикот од развој на одредени болести за околу „60%“.

Во интервјуто, доктор ван Тулекен откри дека околу 75% од калориите на светско ниво доаѓаат од истите шест компании, при што додаде дека „15 до 20“ компании произведуваат „поголем дел од храната“ што се консумира во Велика Британија, на пример.

Што е разликата меѓу непреработена, преработена и ултра-преработена храна?

Докторот објасни дека непреработената храна е „цела“ храна, како што е свежото овошје и зеленчук. Преработената храна, како млеко, сирење и риба во конзерва, е традиционална и е развиена во светот со текот на илјадници години.

Меѓутоа, кога станува збор за ултра-преработената храна (или „модерната американска исхрана“), таа е дизајнирана за производство и продажба на индустриско ниво, што ван Тулекен вели дека е штетно за нашето здравје. Примери за ултра-преработена храна се слатки, колачи, чипс и брза храна.

„Секој петти човек ги внесува 80% од своите калории од ултра преработена храна,“ истакнува тој, додавајќи дека сите тие луѓе чувствуваат негативни ефекти, како зголемување на тежината и промени во хормоналните функции и мозочните процеси.

Доктор ван Тулекен смета дека нашиот ризик од развој на 60% од болестите се поврзани со ултра преработената храна – кои вклучуваат срцеви заболувања, хипертензија, дијабетес и дури некои видови рак.