Избор за Мис на Англија: Нема повеќе згодни девојки во бикини, има згодни девојки што даваат реанимација и спасуваат животи
Во обид да го модернизира 97-годишниот натпревар, изборот за Мис Англија ја укинува традиционалната ревија во костим за капење и ја заменува со предизвик кој оценува животоспасувачки вештини како притисоци на градите и вештачко дишење.
Идејата е на актуелната Мис Англија, Мила Маџи, која е обучен спасувач и силен поддржувач на обуката за брза помош поради лична трагедија. „Кога моите баба и дедо добија срцеви напади, никој во семејството не знаеше што да прави. Помошта дојде предоцна,“ изјави таа.
Бикини-сегментот заменет со натпревар во реанимација
Новата категорија ги охрабрува кандидатките да ја покажат својата едукација за прв помош на креативен начин – преку обука во заедницата или споделување техники онлајн.
Мила, која доаѓа од Њуки, ќе одбере полуфиналистка која ќе ја носи титулата „Царица на реанимацијата“. Таа веќе ја започна кампањата „Go Far With CPR“, со која бара обуката за прва помош да стане задолжителна во училиштата во Англија. Кампањата доби поддршка и од Парламентот и од принцот Вилијам.
Мила Маџи бара обуката за прва помош да стане задолжителна во училиштата
Директорката на изборот, Енџи Бисли, признава дека првпат научила како се дава прва помош благодарение на Мила, додавајќи дека сега ја разбира важноста на овие вештини и сака да ги пренесе на идните кандидатки.
Мис Англија 2025 ќе вклучи теми како атлетика и етичка мода, но Мила смета дека новиот сегмент е најзначаен: „Можеш да спасиш живот само со своите раце“.
Коментирај анонимно