„Изгубениот град“ пронајден длабоко во Атлантскиот океан е како ништо слично досега видено на Земјата
Иако сите слушнале за Атлантида, малкумина знаат за „Изгубениот град“ – подводна структура откриена случајно во 2000 година, 700 метри под површината на Атлантскиот Океан. Истражувачи испратиле ровери кон карпест терен, но наместо тоа, наишле на хидротермално поле кое се смета за старо најмалку 120.000 години.
Мистериозен екосистем
На запад од Средноатлантскиот гребен, научниците откриле комплекс од ѕидови, „оџаци“ што испуштаат гасови со температура од 40°C, и монолит посветен на Посејдон. Овој подводен свет, и покрај ниското ниво на кислород, е дом на ретки морски суштества како полжави, ракови, микроорганизми и јагули, кои се хранат со гасовите што излегуваат од длабочините – водород, метан и други.
Закани од рударство врз уникатниот подводен свет
Научниците веруваат дека вакви хидротермални полиња постојат и на други места во океаните, но Изгубениот град е единственото поле до кое досега успешно се пристапило со подводни возила. Микробиологот Вилијам Бразелтон во 2018 изјави дека овој екосистем може да наликува на условите на Енцелад (месечина на Сатурн) или Европа (на Јупитер), па дури и на раниот Марс.
И покрај научната важност, Полска во 2018 доби дозвола да истражува 10.000 км² од Средноатлантскиот гребен за потенцијално рударење. Откривачката д-р Гретхен Фругрин предупреди дека таквите активности може да го уништат местото пред целосно да се проучи. „Ова е дел од историјата на Земјата. Ако го нарушиме, не знаеме какви ќе бидат последиците врз океанската хемија,“ изјави таа.
120 000 години П.Н.Е .постои град кој денес се наоѓа 700 метри под нивото на МОРЕТО .Е само доказ дека се што учиме во училиштата е една голема ЛАГА .
Bravo vane kako ti tekna uste nemozam da svatam
Поглед како од бајките.
Коментирај анонимно