Ја паметите ли Моника Левински? Убавицата води гламурозна кампања за одржливата модна куќа „Reformation“, додека ги охрабрува жените да гласаат

Моника Левински предводи нова гламурозна кампања за одржливата модна куќа „Reformation“, додека ги охрабрува жените да гласаат на следните избори.

Поранешната приправничка во Белата куќа, која стана активист, беше прикажана во делот „Style Points“ на „ELLE“, кој беше придружен со неверојатен моден сет фотографии направен од Зои Гросман.

50-годишната жена сподели со читателите што ја поттикнало да биде заштитно лице на кампањата за работна облека „You’ve Got the Power“ на „Reformation“. Пренесувајќи ја својата моќна порака, таа рече дека е мотивирана да не дозволи „фрустрацијата на гласачите“ и „апатијата“ да ја попречат да излезат на гласање за да го дадат својот глас.

Левински беше облечена во неколку прекрасни комплети – од колекцијата на брендовите „Моја“ и шик црн кожен комплет од „Veda Ashland“.

„Во анкетите видовме дека фрустрацијата кај гласачите е зголемена и апатијата е зголемена“, изјави Левински.

„Сите мораме да се потсетуваме дека не смееме да дозволиме тоа да ја попречи потребата да гласаме, дека на тој начин го користиме нашиот глас. Таму е нашата моќ“.„
Според „Reformation“, ова се трети избори по ред за кои компанијата прави проект за да ги поттикне своите клиенти да гласаат.

Оваа година, популарниот бренд за женска облека и додатоци, се здружи со непрофитната организација „Vote.org“, споделувајќи ја истата порака – да го направи гласањето достапно за сите. „Reformation“ рече дека планираат да донираат пари на непартиската група за да продолжат да ја покажуваат својата поддршка.

Ова ја инспирираше Левински да се вклучи, да помогне да се мотивираат другите.
Лорен Кохан, главната креативна директорка на „Reformation“ сметаше дека Левински ќе биде совршеното лице на кампањата за работна облека „You’ve Got the Power“ на брендот насочена кон гласање, која таа ја опиша како „кисмет“.

Кохан откри дека и таа станала обожавателка на Левински откако ја гледала на „ТЕД говорите“.

Левински, исто така, откри дека се двоумела да биде пред камерата, но „Reformation“ се погрижиле за тоа и ангажирале тренер за да ја смири Левински.

„Не знам дали ова ќе звучи непријатно“, рече Левински, „но мислам дека начинот на кој жените можат да се чувствуваат помоќни е да препознаат места каде што можеби ќе им треба поголема помош и да ја побараат таа помош“.

Левински, исто така, се отвори за нејзината врска со социјалните мрежи, велејќи за магазинот: „Се плашев да наполнам 49 години, затоа што 39-та беше навистина тешка година за мене, и се борев да наполнам 40 години. Завршив со вистински подарок: тоа беше година на прифаќање. Можев да прифатам толку многу за себе и за мојот живот и за тоа каде сум, а тоа значеше дека доаѓањето на 50 беше одлично. Возбудена сум поради оваа нова деценија!“