„Јас сум богата домаќинка од Њујорк! Тоа сакав да бидам кога ќе пораснам уште кога имав 7 години, а мојот „sugar daddy“ ми го оствари сонот“

Изи Анаја тврди знаела дека сака да биде домаќинка од горната класа уште на 7-годишна возраст.

Сега 43-годишната Анаја секое утро ги остава своите деца на училиште со својот Jeep Wrangler Rubicon пред да оди во теретана, да купува скапа облека и да се носи на раскошни ручеци, да го рекламира својот луксузен животен стил на интернет.

„Тоа е токму животот за кој сонував – како да го манифестирав кога имав седум години“.

Жителката од Бруклин се присети дека ги гледала „фенси“ жените на Менхетен како дете, надевајќи се дека еден ден „ќе биде како нив“.

Со помош на нејзиниот „sugar daddy“ и долгогодишна напорна работа, таа ги остварила своите соништа.

„Мојот sugar daddy и јас се запознавме на интернет пред 10 години. Се забавувавме околу шест месеци, а потоа се веривме и се венчавме шест месеци подоцна“, објасни Анаја.

Таа тврди дека „не се грижи за работите за кои повеќето луѓе се грижат“ поради нејзиниот „возбудлив“ начин на живот.

„Станувам, ги носам моите деца на училиште, одам во теретана“, рече таа. „Ако сакам да купам нешто, го купувам – што и да е. Буквално би можела да патувам секој викенд од каде било како Париз до каде што можете да замислите – можам да го направам тоа“.

Но, таа не е родена во овој луксузен живот и морала да се дистанцира од своите врсници од детството за да се искачи на корпоративната скала опкружена со „богати луѓе“. Во превод морала да ги откачи „сиромашните“ пријатели…

„Се преселив во Менхетен и почнав да работам во корпоративниот свет и да одам на хуманитарни настани и други настани каде што одеа луѓе што сакав да бидам. Не чекајте некој да ве спаси – спасете се себеси, поставете се во светот во кој сакате да бидете и ќе останете таму“, рече таа.