„Јас сум експерт за организирање – еве шест предмети кои НИКОГАШ не треба да ги чувате во фрижидер“

Организациски експерт покрена дебата за складирање на храна, откако детално ги наведе предметите што никогаш не треба да се чуваат во фрижидер.

Керолајн Соломон (34) од Њујорк, е позната како „Уредната Каролина“ на „TikTok“, каде што споделува совети за животниот стил и корисни трикови со нејзините речиси 250.000 следбеници.

Креаторот на содржина стана вирална откако наброја шест намирници кои не треба да се чуваат ладни, но нејзините ставови за еден популарен зачин се покажаа како контроверзни.
Таа објасни дека разладувањето на чоколадото „го ублажува вкусот и доведува до зрнеста конзистентност“.

„Чувајте го на темно и суво место“, советува таа.

Потоа ја оживеа старата дебата кога рече дека кечапот не треба да се чува во фрижидер.

„Можете целосно да го чувате шишето во фрижидер, но сосема е безбедно да го чувате и во вашиот шкаф“, истакна таа.

Гуруто за животниот стил продолжи со тоа што рече дека лукот е најдобро да се чува на ладно и суво место бидејќи ладилникот предизвикува да стане гумен“.

Следно на нејзината листа беше маслиновото масло, за кое објасни дека „може да формира кристали и да стане цврсто ако се остави во фрижидер.

Додаде и дека босилекот „најдобро е да се остави на собна температура со стеблата во водата“. Немала босилек при рака, па користела други билки за да демонстрира. Своето видео го завршува со белешка за пециво.
„Ако имате мафини, такви работи, најдобро е да ги чувате на собна температура“, рече таа.

Видеото е прегледано повеќе од еден милион пати и доби стотици коментари откако беше објавено на 18 октомври. Многу луѓе не се согласуваа со нејзиниот став за кечапот и тврдеа дека тој треба да се чува во фрижидер по отворањето.

Според упатствата на „FoodSafety.gov“, „ладењето осигурува комерцијалните сосови и зачини да останат свежи подолг временски период“.

„Хајнц“, исто така, неодамна се вклучи во дебатата, при што портпаролот изјави за DailyMail.com дека „нивниот кечап мора да биде во фрижидер“.

Коментаторите од целиот свет, исто така, инсистираа на тоа дека мора да го чуваат во фрижидер чоколадото во спротивно ќе се стопи.

„Живеам во Флорида. Чоколадото не го оставам надвор од фрижидерот“, рече едно лице.