„Јас сум геј, но сега ја запросив девојка ми по 7 години поминати во врска“

Иако на прв поглед нивната средба изгледала како совршена љубовна приказна — постоел еден сложен предизвик: момчето се идентификува како геј.

Џејкоб Хоф знаел од моментот кога ја запознал Саманта Гринстоун дека таа е посебна личност. Неочекувано, тие чувства довеле до брак.

Парот, двајцата актери, се запознале на аудиција за „Fiddler on the Roof“ во 2015 година и оттогаш станале неразделни.

„Од лобито ја слушнав нејзината смеа на крајот од песната и си помислив: „Кој и да го направи тој звук, мора да е неверојатна личност“, изјави Хоф.

Откако биле избрани за претставата, почнале да поминуваат време заедно секојдневно. Но, Гринстоун, признала дека била збунета од магнетната привлечност што ја чувствувала кон Хоф, што ја натерало да побара совет од терапевт. Кога собрала храброст да му ги признае чувствата преку порака, Хоф бил изненаден, но одлучил да одговори позитивно и покрај сомнежите.

„Јас сум геј“, изјавил Хоф, објаснувајќи дека нивната врска не ја менува неговата сексуална ориентација, туку претставува длабока духовна врска.

Двајцата започнале врска во 2017 година, а на крајот на 2023 се свршиле. Во ноември 2024, тие се венчале во Бока Ратон, Флорида.

„Нашата врска ги надминува обичните дефиниции на сексуалност. Тоа е поврзување на душите“, изјавил Хоф.

Според него, нивната љубов е пример за длабока врска што трае и во најтешките моменти. „Ние сме заљубени, и тоа е толку едноставно“.