„Јас сум скржава мајка – еве како јас и моето семејство живееме штедливо, со цел никогаш да немаме кредити и хипотека“
Британка позната на TikTok како @diaryofacheapskate стана вирална откако сподели што јаде во еден ден како дел од својата цел да живее без хипотека и кредити до крај на животот. Таа живее со сопругот и двете деца во трисобна куќа во Јоркшир и се опишува како голем љубител на евтини трикови и штедлив начин на живот.
Во нејзиното видео, што собра повеќе од еден милион прегледи, таа открива како млекото за доручек го разредува со вода. За ручек, јаде печен стар компир, комбиниран со туна, мајонез и салата која е неколку дена по истекот на рокот. За ужинка има домашни колачиња и боровинки, а за вечера, нејзината ќерка готви домашна пица – едно од омилените семејни јадења.
Поделени мислења
Иако таа објаснува дека ваквите оброци се дел од нејзиното секојдневие додека децата се на училиште, дел од гледачите беа шокирани од нивото на штедење. Некои коментираа дека „животот е прекраток за да се разредува млеко“ и ја повикаа да живее побезгрижно. Сепак, имаше и такви кои ја поддржаа, пофалувајќи ја за посветеноста.
Во друго видео, таа појасни дека иако нејзиниот дом е без хипотека, месечните приходи на семејството се мали и речиси целосно одат на сметки. Главната причина за нејзиниот штедлив начин на живот е можноста двајцата родители да работат со скратено работно време и да поминуваат повеќе време со децата.
Штедење за сметка на три одмори годишно
Иако признава дека не штеди за некоја голема сума, вели дека таквиот стил на живот им овозможил да бидат финансиски стабилни и да патуваат – минатата година биле на одмор дури три пати. Нејзиниот сопруг е „главно во согласност со нејзините идеи“, но признава дека таа е поекстремната во штедењето.
Дали ваквиот начин на живот претставува инспирација или претерано откажување? Мислењата остануваат поделени.
Коментирај анонимно