„Јас сум зависник до вежбање, имам големи мускули, одам на лов и имам шестцифрена плата – тоа дефинитивно ги плаши несигурните мажи!“

Популарната фитнес инфлуенсерка Дани Купер смета дека повеќето мажи немаат доволно самодоверба да прифатат жена со мускулесто тело и високи приходи. Со над 2,5 милиони следбеници, Купер верува дека нејзините „машки“ хобија, мускулестата фигура и шестцифрената заработка ги плашат мажите.

„Многу мажи ме сметаат за страшна или мислат дека сум премногу мускулеста – но тоа е само нивна несигурност,“ вели таа. Дани објаснува дека вложила напор за својата фигура, вклучувајќи кревање тежина од 125 килограми, „хип трaст“ со пет плочи и „дедлифт“ од 143 килограми. Понекогаш ја обвинуваат дека има направено бразилско подигнување на задник за нејзините мускулести глутеуси, но таа инсистира дека нејзиното тело е природно.

Надвор од теретаната, 25-годишната инфлуенсерка живее на фарма и се смета за „вистинска девојка од село“, вљубена во пушките и ловот. Своето слободно време го поминува ловејќи, рибарејќи или возејќи камион, што според неа се сметаат за „типично машки“ хобија.

Како креатор на содржини на „OnlyFans“, таа заработува шестцифрен приход, објаснувајќи дека постојано добивала пораки за почеток на овој вид работа, а сега нејзината популарност значително расте.

„Поголемиот дел од заработката го вложувам во имоти и земјиште – работи што се важни. И, секако, повеќе каубојски чизми!“

Иако смета дека нејзината кариера може да биде предизвик за љубовните врски, Дани успеала да најде стабилно момче за себе.

„Луѓето можеби мислат дека момчето би имало проблем со ваков вид работа, но моето нема,“ вели таа. „Додека јас сум среќна, и тој е среќен, а ваквиот животен стил отвори многу врати за нас“.