Јога со змии – нов начин да се опуштите во савасана или да се „ЗАМРЗНЕТЕ“ од страв

Сега, луѓето можат да се релаксираат додека змија им се лизга по грбот.

LXRYOGA , студио во Коста Меса, Калифорнија, го нуди најновиот тренд на јога со змии. Целта е „да им се помогне на поединците да го надминат стравот од змии преку земње здив и правилно дишење“, вели Тес, која го води студиото со нејзиниот сопруг Хју Као.

Тес и Хју ги носат своите сопствени питони на часовите од 45 минути за 160 долари, каде што се „внимателно вклучени во овој нежен час по јога“. Шестте змии се именувани по кристали, а четворицата членови на сесијата по случаен избор ќе одберат кристал за да откријат која змија е нивниот доверлив партнер.

Тес вели дека змиите се „многу социјални и пријателски миленичиња“, но за да „избегнат да им предизвикаат вознемиреност“, тие организираат подготвителен час пред часот за да ги научат учесниците што да прават – и, се разбира, што да не прават – со змијата.

„Никој никогаш не бил каснат! Нашата најстара змија има 4 години, а ниту ние никогаш не сме биле каснати“, изјави таа за „People“.

Тес се присети на еден маж и неговата девојка кои имале спротивставени реакции на процесот.

„Таа врескаше од возбуда“, изјави Тес за SFGATE.com . „Тој врескаше од страв“.

„Савасана – каде што студентите лежат на грб со затворени очи, додека змиите се поставени на нивните тела – изгледа како епизода од „Фактор страв“, но повеќето велат дека тоа всушност е заземјување и релаксирачко чувство“, објасни Тес.