Како човек потроши 850 милиони долари за да си купи две пици од 25 долари во 2010 година и зошто вели дека не жали за овој потег?

Пред 14 години, на 22 мај 2010 година, е направена историска трансакција што го обележа почетокот на употребата на криптовалутите во комерцијални цели. Програмерот Ласло Хањец потроши 10,000 биткоини за две пици, купени од „Papa John’s“, што денес би вредело околу 850 милиони долари.

Во тоа време, биткоинот беше релативно нов концепт, создаден во јануари 2009 година од Сатоши Накамото. Првиот блок на биткоин блокчејнот содржеше награда од 50 биткоини. Сепак, вредноста на криптовалутата драстично порасна во годините што следеа, со достигнување од 70,000 долари по биткоин во април 2024 година.

Случката започнала кога Хањец објавил на форумот „Bitcoin Talk“ дека е подготвен да плати 10,000 биткоини за две пици.

„Сакам да добијам храна доставена за биткоини, без да морам самиот да ја порачувам или подготвувам“, напишал тој, додавајќи ги своите омилени додатоци, како пиперки, пеперони, домати и колбаси.

Трансакцијата ја реализирал британски ентузијаст за биткоини, кој за 41 долар ги купил пиците за Хањец, додека нивната реална цена била само 25 долари. Овој настан го означи почетокот на револуцијата во финансиските технологии, а 22 мај е прогласен за „Ден на биткоин пицата“ во крипто-заедницата.

Иако вредноста на биткоините значително се зголеми, Хањец нема жалење за учеството во ова историско случување.