Како да носите животински принт и да изгледате стилски?

Животинскиот принт никогаш не излегува од мода, а познати личности многу добро го знаат ова па затоа често ги гледаме како се одлучуваат за овој безвременски стил. Понекогаш, изборот на животински принт кој најмногу ви одговара може да биде тежок предизвик. Но, не грижете се: Постојат едноставни основни принципи кои можат да ви помогнат да го скротите овој моден тренд и да изгледате прекрасно во облеките со животински принт.

1. Носете само едно „животно“.

Искусните модни икони можеби немаат проблем да мешаат различни животински принтови заедно, но ако само што сте започнале да ги носите овие принтови, подобро е да изберете само еден животински принт. Ако измешате различни шари или една шара во различни бои, големи се шансите ти да не изгледаат хармонично. Ако сепак сакате да носите повеќе од една облека со животински принт, проверете дали шарите се идентични, како змиските отпечатоци што ги носи Џенифер Лопез на сликата подолу.

2. Започнете со додатоци ако сте почетник.

Ако носењето облека со линии и дамки ви звучи ризично, можете да го започнете патувањето во џунгла на животински принтови со додатоци. Ова може да биде торба со леопард принт како онаа што ја носи Викторија Бекам на горната слика или чизми од змиска кожа, како оние што ги носи Ријана на фотографијата подолу.

Запомнете дека парчињата со животински принт привлекуваат внимание на деловите од телото на кои ги носите. Ако сакате да го префрлите акцентот на лицето, на пример, можете да размислите да носите очила со рамка со животински принт.

3. Барајте природни бои.

Облеката со впечатливи бои сигурно може да изгледа прекрасно, но исто како и комбинирањето на неколку животински принтови, носењето дамки и линии во светли бои може да бара одредено знаење и искуство. Ако сакате да се чувствувате посигурни и поудобно во вашиот „див“ изглед, одете по природни бои блиски до вистинските бои на кожата на животните. Откако ќе се чувствувате посигурни, можете да експериментирате со боите.

4. Спојте животински принтови со монохроматски додатоци.

Монохроматска облека и додатоци ги истакнуваат алиштата со животински принт. Ако комбинирате леопард принт здолниште со црн горен дел и црни чевли, здолништето ќе стане фокусот на вниманието на сите.

5. Бидете едноставни и изберете класични форми.

Ако комбинацијата животински принт со нешто друго сè уште е предизвик за вас, изберете фустан од класичен крој со животински принт со неутрална боја и комбинирајте го со едноставни и елегантни монохроматски додатоци, или воопшто не користете додатоци.

Започнете со основните работи и сигурни сме дека наскоро ќе се вљубите во животински принт и ќе пронајдете повеќе простор за дамки и линии во вашата гардероба!