Како две различни жени?! Ја нарекуваат „најголема измамничка на интернет“ поради неверојатните трансформации, а сега ја открива вистината како го постигнува тоа

Клои Вотерс од Канада редовно ги споделува своите совети и трикови за убавина со своите следбеници на TikTok. Таа искрено се нарекува „измамничка“ поради огромната разлика помеѓу нејзиниот изглед „пред“ и „потоа“.

Во една објава која досега собра над 6,6 милиони прегледи, инфлуенсерката го откри својот таен метод – користење на проѕирни лепенки за подигнување на образите.

Во видеото, Клои објасни: „Позната сум како една од најголемите измамнички на интернет. Користам лепенки за лице и шминка за да го променам мојот изглед – за да изгледам малку помладо. Ова е речиси како Photoshop во реалниот живот“.

Потоа, видеото покажува како Клои ја затегнува кожата на образите пред да стави ленти кои ги држат затегнати. Потоа, двете лепенки ги поврзува со парче конец што оди зад нејзината глава. Но, Клои не застана тука. Додаде уште три ленти за да ги измазни брчките и да даде подигнат изглед на образите.

Таа додаде: „Обожавам лепенки за лице. Многу луѓе се скептични, но тие функционираат. Зошто не би функционирале? Буквално ја затегнуваат кожата“.

За да си направи поголеми усни на фотографии, Клои го користи и својот јазик, притискајќи го на долната усна за да ја истакне.

Следно, додава помала лепенка на пределот на вилицата и го подигнува и тој дел.

За да ја заврши својата „измамничка“ трансформација, Клои нанесува шминка, покажувајќи дека лепенките стануваат невидливи на кожата, а конците се кријат под нејзината коса.

Гледачите брзо коментираа за разликата во нејзиниот изглед. Еден корисник напиша: „Првиот состанок е покрај базен“.

„Лепенките само ќе ја растегнат кожата повеќе со текот на времето, исто како што се создаваат брчките,“ додаде друг.

Некој друг рече: „Можеби кога ќе имам повеќе брчки за криење. Мислам дека ова непотребно ја растегнува кожата и ќе те остари побрзо“.

Што мислите вие?