Ќерката на Мајкл Џексон, „најубавата девојка на светот“, ја пронајде својата сродна душа и ќе се мажи

Парис Џексон, ќерката на покојниот Мајкл Џексон, го пронајде својот животен партнер. Дваесет и шестгодишната пејачка и модел ги израдува обожавателите со објавата за нејзината свршувачка со музичкиот продуцент и член на нејзиниот бенд, Џастин Лонг. Со емотивна порака посветена на својот избраник, Парис ја истакна длабочината на нивната врска.

Свршувачката беше објавена преку „Инстаграм“, каде што Парис сподели фотографии од моментот на запросувањето и монтажи со нивни заеднички спомени. Таа го соопшти ова радосно известување на роденденот на Џастин, познат и како Блу. „Среќен роденден, мој слаток Блу“, напиша таа. „Овие години со тебе беа невидена авантура, и не можам да замислам некој посовршен за споделување на животот. Те сакам“.

Фотографиите ја прикажуваат нивната блиска врска – од селфиња до костими за Ноќта на вештерките инспирирани од средниот век, како и романтични моменти на турнеја. Иако не го откри времето и местото на запросувањето, Парис го носела свршеничкиот прстен уште од септември. Се верува дека парот ја започнал својата врска во 2022 година. Пред Џастин, Парис беше во двегодишна врска со Габриел Глен, која заврши во 2021 година, а таа го опиша раскинувањето како „најдлабоката болка во срцето“.

Џастин е музички продуцент од Калифорнија, со повеќе од една деценија искуство во продукција, миксинг и настапи. Покрај музичката кариера, тој е и претприемач, развивач на апликацијата „Dayly“. Во октомври, тој беше забележан во Лос Анџелес со Парис и нивното ново кученце, кое таа им го претстави на обожавателите оваа година.