Киднапираното момче Џоџо, се врати во прегратките на мајка сѝ! 2 месеци по грабнувањето од сопствените татко и баба, Џоџо може да ужива во новиот живот со мајка му

Малото момче од Јужна Флорида се врати дома кај својата мајка откако беше пронајдено во добра здравствена состојба во Канада, по неговото киднапирање.

Џоџо Моралес (6) пред два месеци беше киднапиран од неговиот татко Хорхе Моралес (45) и неговата баба Лилијам Пена Моралес (68). Јанет Консепсион, мајката на Џоџо, отишла да го земе својот син на 27 август како дел од размената на старателство, но открила дека тој е исчезнат.
Повторното обединување на мајката и синот на меѓународниот аеродром во Мајами во вторникот вечерта бил момент на емотивен „бум“, откако мајката и детето се немаа видено толку долго време.
„Сакам само да го гушнам“, им рече Консепсион на новинарите.

„Ми недостигаше тој глас толку многу“, признавајќи дека сега ќе биде тешко да го испушти Џоџо од пред нејзините очи.

Инспекторите велат дека Хорхе и Лилијам биле уапсени од страна на кралската канадска коњичка полиција откако дојавувач го забележал Џоџо во „Волмарт“ во канадската провинција Њу Бранзвик.

По два месеци кошмар, Консепсион во неделата добила повик од агент на „ФБИ“ дека нејзиниот син е пронајден и дека е безбеден.

Во август, Консепсион отишла во станот на Моралес за да го земе нејзиниот син кога го нашла местото празно, а Џоџо не бил таму. Во тоа време таа рекла дека нејзиниот син, кој има блага форма на аутизам, ѝ рекол дека неговиот татко му кажал дека сака да го земе со него и да одат да живеат на фарма некаде далеку.

„Мајката и детето се сега заедно и нема да се испуштат меѓусебните прегратки“, вели шефот на полицијата кој бил одговорен за пронаоѓањето на Џоџо.