Кинеската компанија „Realme“ измисли полнач за паметни телефони што ќе полни од 0-17% за рекордни 35 секунди

Кинеската компанија „Realme“ ја претстави технологијата „SuperSonic Charge“, која ќе обезбеди рекордни брзини на полнење на паметните телефони. Оваа иновација ќе ви овозможи полнење на уреди со моќност од 320 вати, што е апсолутен рекорд во оваа индустрија.

Според претставниците на компанијата, паметните телефони кои ја поддржуваат технологијата „SuperSonic Charge“ ќе можат да се полнат од 0 до 17 проценти за само 35 секунди.

„Realme“ сè уште не го откри капацитетот на батеријата на идните паметни телефони кои ќе ја поддржуваат оваа технологија, но ветува дека ќе открие повеќе информации на претстојниот настан на 14 август. Таму компанијата ќе претстави уште четири други иновации, кои најверојатно ќе бидат поврзани со полнењето и енергијата на паметните телефони.

Да потсетиме, претходниот стандард за брзо полнење што го собори рекордот го претстави „Xiaomi“, кој изјави дека неговите телефони со поддршка за брзо полнење од 300 вати ќе можат да се полнат до 100 проценти за 5 минути. Сепак, „Realme“ успеа да го надмине овој рекорд со воведување на технологијата „SuperSonic Charge“ со моќност од 320 вати.