Кинеските ривали го престигнаа Илон Маск: Тесла отпушта 14.000 работници затоа што падна продажбата на автомобилите

Американскиот производител на автомобили, кој е предводен од милијардерот Илон Маск, е погоден од намалената побарувачка за електрични возила (ЕВ) и ценовна војна со кинеските ривали.

„Направивме темелна ревизија на организацијата и донесовме тешка одлука да го намалиме бројот на вработени за повеќе од 10 отсто на глобално ниво.Нема ништо што повеќе мразам, но мора да се направи. Ова ќе ни овозможи да бидеме иновативни и гладни за следниот циклус на фаза на раст“, рече тој.

Тесла има околу 140.000 вработени, што значи дека дури 14.000 ќе ги загубат своите работни места.

Претходно овој месец, Тесла го објави својот прв пад во продажбата на автомобили по четири години, откако испорача 386.810 возила во трите месеци до крајот на март.

Тоа беше доволно за да ја врати својата круна како најголем светски продавач на електрични автомобили по падот на продажбата кај кинескиот ривал BYD. Но, вкупниот број е намален за повеќе од 5 отсто во однос на претходниот квартал и околу 9 отсто помалку отколку во истиот период од 2023 година.

BYD ја престигна Тесла во последниот квартал од 2023 година кога продаде 526.409 електрични возила во споредба со 484.507 на Тесла.

По долгогодишен брз раст на продажбата што помогна Тесла да се претвори во највредниот производител на автомобили во светот, компанијата се подготвува за забавување во 2024 година.

Тесла, која ќе ја објави својата квартална заработка следниот вторник, претходно отпушти 4% од својата работна сила во Њујорк минатата година.