Кој бил најбогатиот човек во историјата и каков бил неговиот живот

Тајкуните Илон Маск и Џеф Безос моментално се во борба за титулата „Најбогата личност на светот“. И нивните обиди да се надминат едни со други резултираа со забавно ривалство. Меѓутоа, ако ја земеме предвид историјата, овие двајца се ништо во споредба со најбогатиот човек на сите времиња, африканскиот крал по име Манса Муса.

Веројатно се прашувате кој е Манса Муса, затоа ние сме тука да ви го претставиме и да ја споделиме неговата приказна со вас.

Манса Муса бил поранешен владетел на Малиската империја во Западна Африка.

Роден бил како Муса I во 1280 година, а потоа му била дадена титулата „Манса“ (што значи „султан“ или „император“ на јазикот Мандинка) откако го презел тронот во 1312 година.

Тој дошол на власт откако неговиот претходник и брат, Манса Абу-Бакр, отишол на експедиција преку Атлантскиот Океан и никогаш не се вратил.

Кралството Мали растело под власта на Манса Муса и се протегало на од Атлантскиот Океан до денешен Нигер. Покривало и делови од сегашните Сенегал, Мавританија, Буркина Фасо, Гамбија, Гвинеја-Бисао, Гвинеја и Брегот на Слоновата Коска.

Малиската била една од најголемите империи во Западна Африка, а нејзиниот јазик и закони влијаеле на моменталната култура во регионот.

Богатството на Манса Муса доаѓало од природните ресурси на регионот, кои биле злато и сол.

Во 14 век, империјата Мали го имала половина од старото злато во светот. И секое парче од него му припаѓало на Манса Муса. Како што објасни еден историчар, владетелот на кралството имал неограничен пристап до најценетиот ресурс на светот во тоа време.

Трговски центри за други стоки исто така се наоѓале на територијата на Манса Муса, па тој стекнал богатство и од тие бизниси.

Неговото богатство се проценува на 400 милијарди долари.

Безос и Маск имаат богатство вредно околу  200 милијарди долари, но тие сè уште стојат околу стотици милијарди зад цифрата од 400 милијарди долари приспособена според инфлацијата што експертите ја пресметаа за Манса Муса.

Еден професор изјави за Би-Би-Си дека „современите извештаи за богатството на Муса се толку неверојатни што е речиси невозможно да се сфати колку тој навистина бил богат и моќен“.

Тој патувал раскошно.

Кога Манса Муса тргнал на аџилак во 1324 година, наводно донел со себе 60.000 мажи.

Со него патувале сите негови кралски службеници, војници, трговци, робови, неколку кози и овци за храна и околу сто камили кои носеле товари злато.

Тие патувале со стил, бидејќи повеќето од нив наводно биле облечени во злато и фина персиска свила.

Манса Муса исто така бил филантроп.

Според историските извештаи, Манса Муса им давал злато на сиромашните луѓе што ги среќавал на своето патување, а исто така разменувал злато за сувенири кога поминувал низ Каиро и Медина.

Тој подари толку многу злато во Каиро што предизвикал економска криза.

Манса Муса го „поплавил“ Каиро со своето богатство. Вишокот на злато предизвикало пад на неговата вредност, а тоа резултирало со економски загуби од околу 1,5 милијарди долари на целиот Блиски Исток.

Манса Муса се ставил себеси и неговата империја на географкста картата. Буквално.

На мапата на каталонскиот атлас од 1375 година, на врвот на Тимбукту (кој стана дел од Малиската империја), имало цртеж на африкански крал кој бил прикажан како седи на престол и држи парче благороден метал во раката.

Во текот на 19 век, Тимбукту се здобил со митски статус како „Изгубен град на злато“ и станал популарна дестинација за ловци на богатство и истражувачи.

Империјата Мали се распаднала откако починал Манса Муса.

Раскошниот владетел е заслужен за започнување на традицијата на образование во Западна Африка. Но, ако тој бил толку богат и почитуван, зошто не сме слушнале за него?

По смртта на Менса Муса, некаде околу 1330-тите, неговите синови го наследиле тронот. За жал, тие не биле во можност да ја зачуваат империјата.

Кога Европејците пристигнале во регионот, кралството „згаснало“. И според еден експерт: „историјата на средновековниот период сè уште во голема мера се гледа само како западна историја“, поради што приказната на Манса Муса е релативно непозната.