„Кој е добро момче?“ Папагали учат како да ги повикаат своите пердувести пријатели на видео повик, сѐ со цел да ја „убијат“ досадата, правејќи си муабет!

Поли сака муабет, се чини, бидејќи една студија покажа дека папагалите повеќе пеат и играат откако ќе имаат видео повици еден со друг.

Научниците од Универзитетот во Глазгов научија птици како да се слушаат меѓусебно преку таблет.

За тоа време тие упатија 147 намерни повици, а исто така почнаа да демонстрираат повеќе социјални однесувања, покажувајќи дека тоа помага во борбата против нивната осаменост.
Некои папагали дури направија огромни откритија благодарение на тоа што ги гледаа своите пријатели, како што е учењето да летаат и да бараат храна за прв пат.

Тимот се надева дека технологијата може да се користи во иднина за да им помогне на овие паметни суштества да се поврзат меѓу себе и да живеат посреќен живот во заробеништво.
Д-р Џенифер Куна, партнер истражувач на Универзитетот Североистерн и ко-автор на студијата, рече: „Видовме некои навистина охрабрувачки резултати од студијата.  Изгледаше дека папагалите сфатија дека навистина се занимаваат со други птици на екранот и нивното однесување често го отсликува она што би го очекувале од реалните интеракции меѓу овие видови птици. Видовме како птиците научија да бараат храна за прв пат, а еден негувател изјави дека неговата птица летала за прв пат откако се јавила. Сите учесници во студијата рекоа дека го ценат искуството и дека би сакале да продолжат да го користат системот со своите папагали во иднина“.

Папагалите се високо социјални животни во дивината и се навикнати да живеат во големи јата, каде што се вклучени во сложени социјални интеракции. Во заробеништво, папагалите често се чуваат во мали кафези, што ги ограничува нивните социјални интеракции со другите птици и со луѓето. Можеби не добиваат доволно ментална стимулација или можности за физички вежби, што може да доведе до досада и осаменост.

Сопствениците на папагали, исто така, можат да се борат да го ублажат ова преку директна интеракција, бидејќи нивните миленици се подложни на болести кои можат да ги пренесат на други животни.

За жал, ова значи дека некои папагали развиваат проблеми во однесувањето, како што се кубење пердуви, врескање и нервоза, како резултат на нивната социјална изолација.

Истите истражувачи веќе работеа на „DogPhone“, уред кој им овозможува на кучињата да го повикаат својот сопственик со подигање и тресење на топката кога се сами дома и помагаат во борбата против анксиозноста од одвојување.

За студијата со папагалите, тие регрутирале група од 15 папагали, чии сопственици имале одредено искуство во тренирањето на нивните птици.

Во период од две недели, овие папагали биле научени да ѕвонат, а потоа да одберат фотографија од една од другите птици на таблетот.

Нивниот сопственик потоа би иницирал петминутен повик со таа птица преку „Facebook Messenger“ и би го прекинал веднаш штом нивното внимание ќе залута. Секоја птица можеше да направи најмногу два повици по сесија, за да се спречи замор кај учесниците.

Повикот ќе започне кога птица ќе заѕвони на ѕвончето и ќе ја допре сликата на својот избран примач на екранот на таблетот.

Повеќето птици, исто така, покажаа дека се ангажирани за време на повикот, како со допирање на екранот, вокализирање, поздравување или мавање со главата. Сопствениците, исто така, забележале многу нови однесувања кои го поддржуваат фактот дека повиците биле корисен исход за птиците.