Кој е за ручек во тоалет? Невообичаени ресторани кои опасно ја менуваат светската гастро-сцена
Секоја земја има своја специфична кујна и национални специјалитети по кои се препознатливи ширум светот. Во Кина ќе јадеме пекиншка патка, во Италија ќе ги пробаме најдобрите тестенини или пица, а во Унгарија ќе пробаме традиционален гулаш. Сепак, за целосно искуство во ресторан не е доволна само вкусната храна, туку и амбиентот и услугата кои прават разлика и не тераат повторно да се вратиме и да уживаме во специјалитетите кои ни ги нудат.
Некои ресторани отидоа чекор подалеку за да ги привлечат своите гости, па ширум светот можеме да пробаме традиционална храна во воздух, во пештера, на мраз, под земја или на самиот врв на планина. Издвоивме неколку ресторани кои се истакнуваат по својата креативност.
Ресторан за оние кои не се плашат од височини
Во Белгија, можете да го подигнете вашето искуство на следното ниво – буквално. Кога ќе го спомнеме Брисел, првата асоцијација е „Главниот град на Европа“, град кој го знаеме како центар на меѓународното управување и бизнис. Меѓутоа, Брисел е многу повеќе од тоа. Таму можеме да видиме брилијантна архитектура, музеи, жив ноќен живот и ресторан сместен на 50 метри над земјата.
Вечера на небо, ручек на небо, па дури и свадба на небо се само дел од опциите што ги нуди белгискиот ресторан „Вечера на небото“. Во 2006 година, Хакуна Матата, агенција за гурмански задоволства и The Fungroup, компанија за инсталација на забавен парк, ги здружија силите за да прикажат неверојатна приказна – летечка маса која се издигна над главниот град на Белгија. Нивната приказна не остана само во Белгија, а масата прелета низ многу земји низ светот низ годините.
Подводен ресторан на Малдиви
Малдивите се една од најегзотичните дестинации во светот. Храната е многу важен дел од патувањето, но кога се подготвуваме за Малдиви повеќе размислуваме за песочниот рај и тропското сонце отколку за специјалитетите. Можеби ова е причината зошто е создадено ова посебно место – ресторан сместен на пет метри под површината на водата.
Тој е првиот и најголемиот подводен ресторан во светот. Ресторан Ithaa, кој се наоѓа на островот Рангали и денес е познат како еден од најубавите, но и најскапите ресторани во светот. Во ресторанот се служат само специјалитети од морска храна, а за пристојна вечера за двајца ќе треба да издвоите најмалку илјада долари.
Како јаделе нашите предци
На 30 километри од Момбаса во Кенија, се наоѓа ресторанот „Пештерата на Али Барбур“. Гостите влегуваат низ скромна, бела фасада, а потоа се спуштаат 10 метри под земјата за да уживаат во специјалитетите на древна корална пештера. Посебен впечаток создава слабата светлина и ѕвездите кои светат низ отворот над главите. Пештерата е речиси недопрена, освен кујната и бањата кои се модифицирани за да може да се реализира оваа неверојатна гастро приказна.
Менито е меѓународно и се служи само морска храна. Луѓе од целиот свет доаѓаат да пробаат оброк кој бил фатен на само неколку метри од нивната маса.
Висечки ресторан во Кина
Во Кина, во „Happy Xiling Valley“ има уште еден неверојатен ресторан. „Fangweng“ е познат како висечки ресторан, а покрај храната гарантирано ќе уживаte и во глетката што го одзема здивот. Карпите, пештерите, парковите и реките го ставија овој ресторан на листата на дестинации кои мора да ги посетите барем еднаш во животот.
„Фангвенг“ виси над реката Јангце, а таму можете да пробате само локални специјалитети. Посетителите ја истакнуваат локалната риба од реката со домашни зеленило и палачинки како специјалитет што треба да се проба. Патниците предупредуваат дека пиењето е многу поскапо од храната, па затоа ќе треба да одвоите најмалку 50 долари за еден безалкохолен пијалок.
Дали сте на ручек во тоалет?
Светскиот шампион меѓу чудните ресторани се наоѓа во Тајван. Станува збор за синџир ресторани „Modern Toilete“, кој е инспириран од изгледот на тоалетот. Наместо на стол, ќе седнете на тоалетна шkoлка, а наместо на маса, оброкот ќе го јадете на импровизиран мијалник. Првично, сопственикот отворил само еден ресторан, но големиот интерес за оваа необична понуда ја претворил идејата во вносен бизнис. Туристите ги сакаат „Модерните тоалети“ поради добрата локална храна, новото искуство и поволните цени. Во овој ресторан, велат посетителите, може да се јаде добро за само 10 долари.
Ова е еден од првите ресторани кои престанаа да користат месо од кучиња и мачки за подготовка на храна според новиот тајвански закон.
