Колекција од 22 „многу ретки“ автомобили пронајдена во стар магацин во Белгија

Љубителите на луксузни автомобили се воодушевени од извонредното откритие во стар магацин во Белгија. Имено, пронајдени се 16 автомобили „Ферари“ и 6 „Порше“. Сопственик на еден магацин во Брисел открил 22 автомобили од високата класа и контактирал со „Олдтимерфарм“, специјалисти за класични автомобили, за да ги проценат автомобилите.

„Тоа беа многу ретки Ферари и Порше“, изјави специјалистот за класични автомобили Ксавиер Моленаар за „Jam Press“. Сите автомобили беа завиткани и изгледаа дека се во фантастична состојба, рече Моленаар. Меѓу богатствата имало и голем број „Ферари Тестароса“, истакна тој. Тестаросите се произведуваа од 1984 до 1996 година, а користените модели се продаваа преку Интернет за до 180.000 долари. Експерт за автомобили рече дека биле откриени различни верзии и бои на автомобилите. Забележани се некои модели на !„Porsche 911 Turbo“ и „S“, а поновите верзии се продаваат за 250.000 долари. Сите 22 автомобили беа пренесени во „Олдтајмерфарм“ во Алтер, Белгија, каде што ќе бидат целосно реставрирани и потоа понудени на продажба.