Колумбија во пропаст! Земјата има премногу кокаин, но нема кој да го нарача – фармерите ќе останат без работа

Колумбија има проблем со кокаинот – има премногу од него.

Извештаите тврдат дека блокови од непродаден кокаин се трупаат низ јужноамериканската земја, позната по тоа што е дом на Пабло Ескобар, најголемиот нарко бос на сите времиња. Продажбата се забави, па дури и пресуши во многу региони во земјата каде се одгледува кокаин, со што заедниците што го произведуваат се во сиромаштија.

Говорејќи за „Њујорк Тајмс“, економистот Фелипе Таскон рече дека нарко пазарот досега не видел „таков драматичен пад“. Изданието известува дека падот на побарувачката е барем делумно нуспроизвод на договорот со Револуционерните вооружени сили на Колумбија, или ФАРК, кои беа во повеќедецениски конфликт со владата.

Групата користела кокаин за да ја финансира својата војска. Откако ФАРК го напушти просторот, се чини дека помалите криминални организации ја презеле „палката“.
Леонардо Кореа од Канцеларијата на Обединетите нации за дрога и криминал рече дека овие помали групи развиле поинаков бизнис модел, држејќи ги фармерите од кои купуваат поблиску до границата каде што е полесно да се преселат материјалите надвор од земјата.

За земјоделците кои живеат длабоко во земјата, ова значи дека бизнисот пресушил.

Во меѓувреме, места како Перу, Еквадор и земји во Централна Америка ги зголемија своите капацитети за производство на кокаин – што значи дека иако производството на кокаин ширум светот никогаш не било поголемо, за земјоделците од Колумбија побарувачката за нивните посеви е намалена. Глобалното годишно производство на кокаин го достигна врвот во 2022 година, каде што производството се зголеми за 24% во однос на претходната година, зголемувајќи се за речиси 6 милијарди долари од 2021 година на над 18 милијарди долари.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!