Компанија за млечни производи беше принудена да ја повлече својата бизарна реклама по остра осуда од јавноста

Еден јужнокорејски бренд за млечни производи беше принуден да се извини откако доби бурни реакции поради рекламата што некои гледачи ја опишаа како „одвратна“.

Објавена од „Seoul Milk“, еден од најголемите брендови за млеко во Јужна Кореја, рекламата прикажува човек кој се пробива низ шумска област кон поток.

Потоа се прикажани жени облечени во бело како пијат од потокот и вржбаат јога на поле. Сепак, најконтроверзниот дел од клипот доаѓа откако мажот стапнува на гранче и прави звук кој го слушаат жените.

Жените погледнуваат кон мажот, кој ја спушта камерата за да открие дека сите жени се претвориле во крави.

Во меѓувреме, гласот за рекламата се чини дека опишува некој кој следи диви животни, велејќи:

„Конечно успеавме да ги снимиме на камера на недопрена локација каде природата е зачувана. Тие пијат чиста вода од чиста природа, консумираат еколошка органска исхрана и живеат мирно во мирна средина. Ќе се обидам да им пријдам претпазливо“.

Како што завршува рекламата, ознаката гласи: „Чиста вода, органска храна, 100% чисто сеулско млеко. Органско млеко од органски ранч во пријатната природа на Чеонгјанг.

Сцените брзо добија бурни реакции по објавувањето на рекламата, при што еден гледач ја опишува како „одвратен приказ на мизогинија“, додека друг напиша: „Веќе не купувам млеко од Сеул!“

Понатамошните критики се однесуваа на начинот на кој мажот тајно ја снима групата жени, а луѓето ги критикуваа неговите постапки по порастот на злосторствата со шпионски камери во Јужна Кореја.

Компанијата ја отстрани рекламата од YouTube, но не пред да биде споделена надалеку на интернет.

Компанијата сега се извини велејќи:

„Искрено им се извинуваме на сите што се чувствуваа непријатно поради рекламата за млеко објавена на 29-ти минатиот месец. Ние сериозно ја прифаќаме оваа критика и ќе работиме на тоа во иднина да нема вакви пропусти. Ја наведнуваме главата во знак на извинување“.

Рекламата е втор пат „Seoul Milk“ да е на удар на критики за контроверзната кампања, при што одделот за маркетинг на компанијата претходно доби казна за непристојност поради видео во кој беа вклучени голи модели кои се прскаа со јогурт.