Концертот на Тејлор Свифт во Лос Анџелес предизвика земјотрес со јачина од 2,3 степени

Концертот на Тејлор Свифт во Лос Анџелес предизвика повеќе од само аплауз минатата година. Песната„Shake it Off“ доби сосема ново значење откако предизвика земјотрес.

Во тоа време, истражувачите не беа сигурни дали сеизмичката активност е предизвикана од звучните системи или илјадниците фанови кои танцуваа на музиката, но новата студија на сеизмолозите од Калтек откри дека фановите се виновни.

Свифт настапи на стадионот СоФи пред околу 70.000 фанови во август 2023 година, кога сеизмолозите забележаа земјотрес со јачина од 2,3 степени во градот. Сега е дефинитивно констатирано дека тие танцувале толку енергично што ненамерно го предизвикале земјотресот.

Спектрограмите прикажуваа различни шеми на тремор што одговараат на секоја од хит-песните на Свифт, при што „Shake It Off“ дава најголем сеизмички удар.

Тоа го означи вториот „Свифт земјотрес“ на западниот брег , по Сиетл, Вашингтон.