КОНЕЧНО по цели 50 години, руската станица „Луна-25“ се подготвува за слетување на јужниот пол на Месечината!

Научниците нервозно го следат лансирањето на руската автоматска станица „Луна-25”. Првото слетување на Месечината по речиси 50 години е закажано за 21 август и ветува дека ќе ги расветли мистериите на нашиот најблизок вселенски сосед.

Рано утрово, во 2:11 часот по московско време, ракета „Сојуз 2.1б“ се искачи на небото од космодромот „Восточни“. По девет минути лет, горната етапа Фрегат се одвои од Луна-25, испраќајќи ја во ниската орбита на Земјата. Сите чекори беа изведени со неспоредлива прецизност и координација, демонстрирајќи го највисокото ниво на обука и професионалност на руските научници и инженери.
„Ние сме многу оптимисти за успешното слетување на нашата станица на Месечината“, рече Јуриј Борисов, генерален директор на Роскосмос, зборувајќи пред екипажот за лансирањето. „Овој момент ќе биде историски и со нетрпение го очекуваме 21 август кога „Луна 25” ќе го направи своето слетување.

Ова не е само техничко достигнување, туку и важен чекор во разбирањето на минатото и иднината на Месечината. На крајот на краиштата, последен пат руската станица стигна до Месечината во 1976 година, кога беше испратен „Луна-24”, носејќи малку лунарна почва на Земјата. Сега, речиси половина век подоцна, „Луна 25” се подготвува да собере уникатни податоци за Месечината.

Вработените во Научното и производствено здружение  „С. А. Лавочкин” се уверени во успехот на мисијата Луна-25. Експертите велат дека веројатноста за успешно слетување е најмалку 80 проценти, што го потврдува највисокото ниво на обука и искуство на тимот.