Криенка од пеколот: Се сокрил во контејнер, па го нашле дури 6 дена подоцна во друга држава

15-годишно момче беше пронајдено исцрпено, но безбедно откако заспало во бродски контејнер и се разбудило шест дена подоцна на 3.200 километри од местото каде што живее.

Младиот човек се нашол заглавен во контејнерот за време на играње криенка со пријателите во Читагонг, Бангладеш, на 11 јануари. Откако заспал, тој бил затворен во контејнерот и следниот ден со контејнерскиот брод „Интегра“ отпловил преку Индискиот Океан.

Тој бил пронајден од малезискиот пристанишен персонал и полицијата во Порт Кланг речиси една недела подоцна, на 17 јануари, исцрпен, дехидриран и плачел за храна.

Момчето, идентификувано само како Фахим, било пронајдено со треска и однесено на лекување во болницата Тенгку Ампуан Рахима во близина, каде што неговата состојба оттогаш е опишана како стабилна.

Фахим бил откриен откако член на персоналот слушнал како тропа во еден од контејнерите. Поморските полициски сили, локалниот оддел за имиграција и здравствениот оддел дошле да истражат. Фахим е снимен како излегува опкружен со персонал и локални власти. На видеото тој е очигледно дехидриран и збунет и не може да го зборува локалниот јазик.

Властите прво се плашеа дека Фахим е жртва на трговија со луѓе, но набрзо успеале да се разберат со момчето и дознале за што се работи.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!