Легендарниот актер Дик Ван Дајк наполни 100 години и својата долговечност ја припишува на една навика, а науката го потврдува тоа

Содржина:

• Студиите потврдуваат: Позитивниот пристап го продолжува животот за повеќе од 10 години
• Зошто гневот го скратува животот: Научното објаснување за штетното влијание врз срцето и теломерите
• Медитацијата, смиреноста и позитивниот пристап се клуч за подолг и поздрав живот
• Присутноста, играта и контактот со сегашниот момент носат радост и здравје
• Советот на Дик ван Дајк е научно точен: Управувајте со гневот и поканете повеќе радост во животот

Студиите потврдуваат: Позитивниот пристап го продолжува животот за повеќе од 10 години

Бројни истражувања покажуваат дека ниското ниво на стрес и одржувањето на позитивен и оптимистички пристап се поврзани со долговечноста. Во едно познато истражување од 1930-тите, 678 млади калуѓерки напишале автобиографија кога се приклучиле на манастир, а шеесет години подоцна, нивната писмена експресија на благодарност, за разлика од негативноста, била поврзана со просечно 10 години подолг живот. Во друга студија од Велика Британија, оптимистите живееле 11 до 15% подолго од песимистите. Студија во 2022 година, која ги опфатила здравствените податоци на 160.000 жени од разни етнички припадности, открила дека оние кои пријавиле повеќе оптимизам почесто доживеале длабока старост – до 90-тите години.

Зошто гневот го скратува животот: Научното објаснување за штетното влијание врз срцето и теломерите

Едно од најважните откритија е дека луѓето со позитивен и оптимистички став подобро го контролираат гневот, што е мошне важно бидејќи гневот драматично влијае врз телото и особено врз здравјето на срцето. Гневот и стресот го зголемуваат нивото на адреналин и кортизол, а хроничното влијание на овие хормони го зголемува ризикот од срцеви заболувања, мозочен удар и дијабет тип 2, болести кои се причина за околу 75% од предвремените смртни случаи.
Стресот на клеточно ниво го забрзува скратувањето на теломерите – заштитните капи на краевите од хромозомите. Како што старееме, теломерите се скратуваат и кога ќе се истрошат, клетките потешко се делат и обновуваат, а процесот на стареење се забрзува. Доказите покажуваат дека стресот и гневот го убрзуваат овој процес.

Медитацијата, смиреноста и позитивниот пристап се клуч за подолг и поздрав живот

Постои и добра вест: научниците откриле дека медитацијата, која помага во намалување на стресот, е поврзана со подолги теломери. Исто така, луѓето со позитивен пристап поактивно се грижат за себе – вежбаат редовно и внимаваат на исхраната, што дополнително го намалува ризикот од срцеви заболувања. Дури и самиот Дик ван Дајк се труди да вежба најмалку трипати неделно.
Ако сакате да живеете долго како Дик ван Дајк, не чекајте да ви помине гневот со трчање, удирање во перница или викање. Тие краткотрајни активности ја продолжуваат реакцијата на стрес. Наместо тоа, длабоко дишете, забавете го темпото, или практикувајте релаксација и јога. Со тоа се намалува оптеретувањето на срцето и со текот на време го продолжувате животот.

Присутноста, играта и контактот со сегашниот момент носат радост и здравје

Може да го зголемите позитивното чувство ако сте поприсутни во секојдневниот живот. Кога планирате да излезете со партнерот, бидете намерни – одберете ресторан кој навистина ви се допаѓа, прашајте да седите на помирно место и посветете му се целосно на доживувањето. Запрете, уживајте, фокусирајте се на моментот и на сетилата.
За возрасните, играта значи да направете нешто што ве радува, без цел или корист. Таквите активности носат нов бран позитивни емоции што, долгорочно, може да ви го подобрат здравјето.

Советот на Дик ван Дајк е научно точен: Управувајте со гневот и поканете повеќе радост во животот

Не можеме секогаш да ја контролираме сета болест или стрес што ни го носи животот, но учењето како да управуваме со сопствениот гнев и како да изградиме пооптимистичен светоглед може значително да ни го подобри здравјето и да го продолжи животот. Ова го советува Дик ван Дајк, а го потврдува науката.